استانادا جاس اقىندار ايتىسى وتەدى
استانا قالاسىنىڭ اكىمدىگىنىڭ تىلدەردى دامىتۋ باسقارماسىنىڭ مۇرىندىق بولۋىمەن ەرتەڭ، 22 قاراشادا «جاستار» سارايىندا «تاۋەلسىزدىگىم - تەڭدىگىم، ەگەمەندىگىم - ەلدىگىم» اتتى جاس اقىندار ايتىسى وتەتىن بولادى.
وعان ەلىمىزدىڭ الماتى، ارقالىق، سەمەي، قىزىلوردا، پاۆلودار، شىمكەنت قالالارى مەن تورعاي، شىعىس قازاقستان وڭىرىنەن 9 ايتىسكەر اقىن قاتىسادى دەپ كۇتىلۋدە. ايتىس بارىسىندا اقىندار «تاۋەلسىزدىگىم - تۇعىرىم»؛ «الاشىم - ارداعىم»؛ «رۋحاني جاڭعىرۋ - مۇراتىم»؛ «تۋعان جەر - تۇراعىم»؛ «ءتىلىم - تۇمارىم» تاقىرىپتارى بويىنشا ءسوز جارىستىراتىن بولادى.
«ايتىستى وتكىزۋدىڭ ماقساتى اقىنداردىڭ ورەلى ونەرى، ورنەكتى سوزدەرى ارقىلى تاۋەلسىزدىك مۇراتتارى مەن قۇندىلىقتارىن ناسيحاتتاۋ؛ ەل ەگەمەندىگى جولىنداعى ەلباسىنىڭ اتقارعان يگى ىستەرىن ۇلىقتاۋ؛ «رۋحاني جاڭعىرۋ» باعدارلاماسىنىڭ ماڭىزدىلىعىن پاش ەتۋ؛ وسكەلەڭ ۇرپاقتى وتانسۇيگىشتىككە تاربيەلەپ، ولاردىڭ تانىم-تالعامىن ۇلت رۋحانياتىنا باعىتتاۋ؛ قازاقتىڭ ءتول ونەرى، قۇدىرەتتى ءسوزى ارقىلى مەملەكەتتىك ءتىلدىڭ مەرەيىن ارتتىرۋ، قولدانىس اياسىن كەڭەيتۋ بولىپ تابىلادى»، - دەپ جازىلعان تاراتىلعان حابارلامادا.
ايتىستىڭ قورىتىندىلارى بويىنشا جەڭىمپازدار استانا قالاسى اكىمىنىڭ اتىنان ديپلومدارمەن جانە باعالى سىيلىقتارمەن ماراپاتتالادى.