ۇكىمەت باسشىسى ورگانيكالىق ءونىم ەكسپورتىن دامىتۋدى تاپسىردى

استانا. قازاقپارات - ق ر ۇكىمەت باسشىسى باقىتجان ساعىنتايەۆ قازاقستاندىق تاۋاردىڭ ەكسپورتى ۇلەسىندە ورگانيكالىق ونىمگە ايرىقشا ەكپىن قويۋدى تاپسىردى، دەپ حابارلايدى قازاقپارات.

«ءبىز دسۇ مەن ەاەو اياسىنداعى ساۋدانى تالقىلادىق. وسى ورايدا ورگانيكالىق ءونىم «جاسىل سەبەتتە» قامتىلىپ وتىرعانىن جاقسى بىلەمىز جانە بۇل باعىتتا ەشقانداي پروبلەما بولمايدى. سوندىقتان دا ورگانيكالىق ونىمگە كوبىرەك ەكپىن قويۋ كەرەك. بۇل جەردە كولەم از بولعانىمەن، باعا مانىندە كوبىرەك ۇتاتىنىمىز انىق»، - دەپ اتاپ ءوتتى ساعىنتايەۆ ۇكىمەت وتىرىسىندا.

سونىمەن بىرگە ۆيتسە-پرەمەر ەربولات دوسايەۆ ق ر ي د م تەحنيكالىق رەتتەۋ جانە مەترولوگيا كوميتەتى ورگانيكالىق ءونىم بويىنشا ءتورت ستاندارتتىڭ جوباسىن دايارلاپ جاتقانىن جەتكىزدى.

«ءبىز وسىنىڭ بارلىعىن قاراستىرىپ، جەلتوقساندا ءتيىستى ۇسىنىستى ەنگىزەمىز»، - دەپ ناقتىلادى دوسايەۆ.

اۋىل شارۋاشىلىعى مينيسترلىگىنىڭ مالىمەتىنشە، وسىمدىك شارۋاشىلىعىنان كارتوپ ەكسپورتى 19 ەسەگە ءوستى، رەسەيگە تومات تۇزدىعى پەن قياردىڭ ەكسپورتى 3,5 ەسەگە ءوستى، قىتاي مەن رەسەيگە جاڭعاق ەكسپورتى 3 ەسەگە ءوستى.

ۇلى بريتانياعا العاشقى رەت ارپا ەكسپورتتالدى، يران مەن موڭعولياعا سۇلى قايتا جاڭارتىلدى، كۇرىش، قاراقۇمىق، جارما، مايلى داقىلدار، جەمىستەر، باقشا داقىلدارى، قاربىز، كەپتىرىلگەن بۇرشاق پەن كوكونىستەر ت م د، ەۋروپا، تاياۋ شىعىس جانە قىتاي ەلدەرىنە 2 ەسە ارتتى.

اۆتور: رۋسلان عابباسوۆ