قازاقستان گونكونگكە بيە ءسۇتىن جەتكىزە باستادى

None
None
استانا. قازاقپارات - گونكونگكە ماي مەن قۇرعاق بيە ءسۇتىن جەتكىزۋ باستالدى.

بۇل تۋرالى ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.

«قىتايداعى سەرۆيستىك قولداۋ اياسىندا 40 قازاقستاندىق ءوندىرۋشىنىڭ تانىستىرىلىمى ۇيىمداستىرىلدى. جەكە بيزنەس رەتىندە وتاندىق كومپانيالاردىڭ ازىق-تۇلىك ونىمدەرى ارقىلى بەيجىڭ، شاڭحاي، گۋانچجوۋ جانە ۇرىمجىدە قازاقستاننىڭ ساۋدا ۇيلەرى اشىلدى. گونكونگكە ماي مەن قۇرعاق بيە ءسۇتىن جەتكىزۋ باستالدى»، - دەدى مينيستر.

ج. قاسىمبەكتىڭ ايتۋىنشا، قىتاي نارىعىنا بيزنەس تاراپى ۇلكەن قىزىعۋشىلىق تانىتىپ وتىر.

بۇگىنگى كۇنى وڭدەلگەن ونىمدەردىڭ ەكسپورتى كولەمى 2,5 ميلليارد ا ق ش دوللارىن قۇرادى، ونىڭ 123 ميلليون ا ق ش دوللارى دايىن ءونىم ەكسپورتىنا كەلەدى.

ايتا كەتەيىك، بۇگىنگى تاڭدا قازاقستان ەكسپورتتاۋشى ەلدەردىڭ ىشىندە 52-ورىنعا يە. بارلىعى الەمنىڭ 113 ەلىنە 800 دەن استام وندىرىستىك ءونىم شىعارامىز.

اۆتور: رۋسلان عابباسوۆ

سوڭعى جاڭالىقتار