قازاقستاندىق ازىق-تۇلىك تاۋارلارى شەتەلدە ۇلكەن سۇرانىسقا يە

استانا. قازاقپارات - اۋعانستان، ب ا ءا مەن يرانعا ەتتىڭ ەكسپورتى باستالدى.

بۇل تۋرالى ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.

«وتاندىق ازىق-تۇلىك تاۋارلارى شەت ەلدەردە ۇلكەن سۇرانىسقا يە، جالپى ەكسپورتتىڭ كولەمى 2 ميلليارد ا ق ش دوللارىنان اسادى نەمەسە 145 ميلليون توننا ءونىمدى قامتىپ وتىر. اتاپ ايتقاندا، اۋعانستان، ب ا ءا مەن يرانعا ەت پەن قۇس ەتى، قىتايعا وسىمدىك مايى مەن بال جەتكىزىلىمدەرى باستالدى»، - دەيدى مينيستر.

وسى ورايدا ج. قاسىمبەك 2016-جىلى «Qazaq Organic Food»، «KazMeat»، «Halal Kazakhstan» ( ارنايى ساپا بەلگىسىمەن سالالىق جەلى بويىنشا بىرىكتىرىلگەن تاۋار توبى) برەندتەرى قۇرىلعانىن ەسكە سالىپ ءوتتى.

«بولاشاقتا وتاندىق كاسىپورىندار ءبىرىڭعاي برەندتەر اياسىندا سىرتقى نارىقتارعا شوعىرلانا الادى. قازىرگى ۋاقىتتا بۇل برەندتەردى دامىتۋ جانە ىلگەرىلەتۋ ءۇشىن جول كارتاسى ازىرلەنىپ، مۇددەلى ورگاندارمەن كەلىسىلىپ جاتىر»، - دەدى ۆەدومستۆو باسشىسى.

ايتا كەتەيىك، بۇگىنگى تاڭدا قازاقستان ەكسپورتتاۋشى ەلدەردىڭ ىشىندە 52-ورىنعا يە. الەمنىڭ 113 ەلىنە 800 دەن استام وندىرىستىك ءونىم تۇرلەرىن شىعارۋدامىز.

اۆتور: رۋسلان عابباسوۆ