15:28, 20 - قاراشا 2017 | GMT +6
قۇرىپ كەتۋ قاۋپى بار « قىزىل كىتاپقا» ەنگەن قۇستى اتقان قوستانايلىق سوتتالدى
قوستاناي. قازاقپارات - جانگەلدين اۋداندىق سوتى قوستاناي اۋدانىنىڭ 31 جاستاعى تۇرعىنىنا قاتىستى قىلمىستىق ءىستى قارادى، دەپ حابارلايدى قازاقپارات وبلىستىق سوتتىڭ باسپا ءسوز قىزمەتىنە سىلتەمە جاساپ.
قوستاناي اۋدانىنىڭ تۇرعىنى ك. ق ر ق ك 339 بابى بويىنشا ايىپتالۋدا. ول سيرەك كەزدەسەتىن جانە قۇرىپ كەتۋ قاۋپى بار ەكى بەزگەلدەك (لاتىنشا اتاۋى - «Otistetrax» ) قۇسىن اتقان. بۇل قۇس قازاقستان رەسپۋبليكاسىنىڭ " قىزىل كىتابىنا" ەنگىزىلگەن. سوت شەشىمىمەن ازامات ك. ايىپتى دەپ تانىلدى. وعان 2 جىل مەرزىمگە باس بوستاندىعىنان ايىرۋ جازاسى تاعايىندالىپ، پروباتسيالىق باقىلاۋ ورناتىلدى. بۇعان قوسا، سوتتالعان ك. -دەن كەلتىرىلگەن زياننىڭ ورنىن تولتىرۋ ءۇشىن مەملەكەت پايداسىنا 800 453 تەڭگە قاراجات ءوندىرىلدى. ۇكىم زاڭدى كۇشىنە ەنگەن جوق.
اۆتور: باتىر جولاي ۇلى