ءبىر توپ بۇزاقىلار ساكەن مايعازيەۆ پەن جانبولاتتى ءولىمشى ەتىپ ساباپ تاستاعان
ون شاقتى زىڭگىتتەي جىگىت، ەكەۋىن قان-جوسا ەتىپ ساباپ تاستاعان. ال، مارات ورالعازين، جاتاقحاناداعى قىزداردىڭ بالكونىنا ورمەلەيمىن دەپ، بەسىنشى قاباتتان قۇلاپ جازىم بولا جازداپتى...
بۇل تۋرالى ن ت ك ارناسىنىڭ «رەۆيۋ» باعدارلاماسىندا ايتىلدى.
البەتتە، بۇل ۇمىتىلماس شاقتاردى جۇلدىزدار قازىر جىميىپ قانا ەسكە الادى.
«ءبىر كۇنى جانبولات ەكەۋمىز وتىرساق ەسىكتى تاقىلداپ اكەتىپ بارا جاتىر. باسقا بولمەنىڭ، ەستىپ قالدىق. سىرتقا شىقساق ءبىر جىگىتتەر توپىرلاپ قىزداردىڭ ەسىكتەرىن تەۋىپ ءجۇر ەكەن ءبىزدىڭ. جانبولات ەكەۋمىز بارىپ، ەي سەندەر كىمسىڭدەر دەپ بىلەگىمىزدى ءتۇرىپ، ەكەۋمىزدى بىت-شىت قىپ ساباعانى بار ما؟! «فيزكۋلتۋرنىيدىڭ» جىگىتتەرى اياماي، كوك-الا قويداي عىپ ساباپ ەكەۋمىزدى، بىت-شىت قىلىپ، ون شاقتى بالا. قايدان بىلەيىن، جانبولاتتىڭ كۇشىنە سەندىم عوي مەن»، - دەيدى ساكەن مايعازيەۆ.
ساكەن مايعازيەۆتىڭ تاياق جەۋىنىڭ باس-اياعى بۇل ەمەس. ستۋدەنتتىك دوسى جانبولات ەرباتىروۆپەن ءجۇرىپ، قان-جوسا توبەلەستىڭ تالايىن كورگەندى.
«جانبولاتتىڭ تۋعان كۇنىندە مىندەتتى تۇردە توبەلەس بولاتىن. ءبىر كۇنى شەشتىك، جانبولات داۆاي ەش جەردە تويلامايمىز، ءوزىمىز جاتاقحانادا ءوزىمىز عانا وتىرايىقشى، ەكى جىل قاتارىنان توبەلەس بولىپ كەلە جاتىر عوي، سەنىڭ تۋعان كۇنىڭدە، ەندى وسى ءۇشىنشى جىلى ءوزىمىز عانا وتىرايىقشى دەپ، ءوز-وزىمىزبەن توبەلەسىپ قالعانبىز»، - دەپ ەسكە الدى مايعازيەۆ.
قازاقستان بريتان ۋنيۆەرسيتەتىنىڭ گرانتىن جەڭىپ العان، «رينگولىق» ايان بىربايەۆتى وقۋدان شىعىپ جىبەرگەن ەكەن.
«كوبىنەسە بارماي قالاسىڭ ەرىنىپ، ۇيىقتاپ قالىپ دەگەن سياقتى. ودان كەيىن، ەمتيحان ۋاقىتتارى بولعان كەزدە جاتاقحاناعا باراسىڭ، كادىمگىدەي ءپىشىناڭدى ءبىر نارسەڭدى ارقالاپ باراسىڭ. قىزدارعا اقىرىنداپ، جۇقالاپ قىزدار ماعان مىنا جەردى ايتىپ جىبەرىڭدەرشى، مىنا جەردى كومەكتەسىپ جىبەرىڭدەرشى دەپ»، - دەيدى «رينگو» توبىنىڭ ءانشىسى ايان بىربايەۆ.
جەتى جىل بويى قازاق ۇلتتىق ۋنيۆەرسيتەتىنىڭ ۇزدىك ءارى بەلسەندى ستۋدەنتى بولعان، مارات ورالعازيننىڭ دە «بۇلدىرگەنى» كوپ.
«11 دەن كەيىن وبشەجيتيەگە(جاتاقحاناعا) كىرگىزبەيدى. پوكرىۆالومەن، پروستىنيامەن 5-قاباتقا كوتەرىلىپ، قىزدارمەن ءتۇنى بويى گيتارا ويناپ، ءان ايتىپ. قاۋىپ ەمەس، كەرىسىنشە ادرەنالين عوي»، - دەيدى مارات ورالعازين.