نۇرلان نىعماتۋلين اتامبايەۆتىڭ ايتقاندارىن جاۋاپسىز جانە پوپۋليستىك دەپ اتادى
ونىڭ ايتۋىنشا، قازاقستان پرەزيدەنتى نۇرسۇلتان نازاربايەۆ قىرعىزستان حالقىن وزگەلەردىڭ بارىنەن ارتىق قولداپ، كومەكتەسىپ جاتىر.
«قىرعىزستان حالقىنىڭ دا قازاقستان كوشباسشىسىنا جىلى لەبىزبەن جانە ريزاشىلىقپەن قارايتىنىن بىلەمىن. سوندىقتان، اتامبايەۆتىڭ وسىنداي «بوس»، پوپۋليستىك جانە جاۋاپسىز سوزدەرى ءبىزدىڭ حالىقتاردىڭ باۋىرلاستىق قاتىناسىنا سىزات تۇسىرمەۋى كەرەك»، - دەپ مالىمدەدى ن. نىعماتۋلين.
سپيكەر سونداي-اق اتامبايەۆتىڭ باسشىلىق ەتكەن جىلدارىندا ەشقانداي ناتيجەگە قول جەتكىزبەگەنىن اتاپ ءوتتى.
«اتامبايەۆتىڭ وزىنە توقتالار بولساق، ءوزىنىڭ پرەزيدەنتتىك ەتكەن جىلدارى ەكونوميكادا دا، ساياساتتا دا ەشقانداي ناتيجە كورسەتە الماعانى بارشاعا ايان. ەندى، كەتىپ بارا جاتىپ ءوزىنىڭ ساياسي، سونداي-اق ىشكى مادەنيەتىنىڭ مۇلدەم جوق ەكەنىن دالەلدەدى»، - دەدى ءماجىلىس ءتوراعاسى.