ەسىل اۋدانىنىڭ اكىمى اۋىستى - اقمولا وبلىسى

كوكشەتاۋ. قازاقپارات - بۇگىن ايماق مالىك مىرزالين ق ر پرەزيدەنتى اكىمشىلىگىنىڭ كەلىسىمىمەن جانە اۋداندىق ءماسليحات دەپۋتاتتارىنىڭ قولداۋى نەگىزىندە ەسىل اۋدانىنىڭ اكىمى قىزمەتىنە تالعات ەرسەيىتوۆتى تاعايىندادى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

تالعات امانباي ۇلى 1974-جىلى اقمولا وبلىسى، استراحان اۋدانىندا تۋعان. اقمولا اۋىل شارۋاشىلىعى ينستيتۋتىن، اقمولا اگرارلىق ۋنيۆەرسيتەتى، استانا قالاسىنداعى باسقارۋ ينستيتۋتىن بىتىرگەن.

ءبىلىمى جوعارى. ەڭبەك جولىن استراحان اۋدانى اكىمدىگىندە مامان بولىپ باستاعان.

1997-2007-جىلدار ارالىعىندا استراحان اۋداندىق سالىق كوميتەتىندە، 2007-جىلى اۋداندىق ءماسليحات حاتشىسى بولىپ تاعايىندالىپ، جاۋاپتى قىزمەتتەردى اتقارعان. 2009-2012-جىلدارى استراحان اۋدانى اكىمىنىڭ ورىنباسارى، 2012-جىلدان بەرى استراحان اۋدانىنىڭ اكىمى لاۋازىمىن اتقاردى.

«قۇرمەت» وردەنىمەن ماراپاتتالعان. ايماق باسشىسى، جاڭا تاعايىندالعان اۋدان اكىمىنىڭ باسقارۋ ىسىندە مول تاجىريبەسى بار ەكەنىن العا تارتىپ، تالعات ەرسەيىتوۆ پەن اۋدان اكتيۆى الدىندا ءبىرقاتار مىندەتتەر جۇكتەدى.

اۆتور: اسلان وسپانوۆ