استانادا وپەراتورسىز ح ق ك و اشىلادى - داۋرەن ابايەۆ

None
None
استانا. قازاقپارات - ەلوردادا جاڭادان اشىلاتىن ح ق ك و- دا وپەراتورلار بولمايدى.

بۇل تۋرالى پارلامەنت ماجىلىسىندەگى ۇكىمەت ساعاتىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات.

«جاقىن ارادا استانادا digital-ح ق ك و- نى اشۋ جوسپارلانىپ وتىر. وندا وپەراتورلاردىڭ قاتىسۋىنسىز مەملەكەتتىك قىزمەتتەردى تولىقتاي اۆتوماتتاندىرىلعان رەجىمدە الۋ قاراستىرىلعان. سيفرلىق حالىققا قىزمەت كورسەتۋ ورتالىعىن اشۋ مەملەكەتتىك قىزمەتتەردىڭ جاڭا فورماتىنا كوشۋدىڭ كەزەڭى بولادى. وسى ورايدا ازاماتتار قوعامدىق پۋنكتەر، وزىنە قىزمەت كورسەتۋ سەكتورلارى مەن ارنايى ستەندتەردەگى پلانشەتتەر كومەگىمەن ەلەكتروندىق وتىنىمدەردى بەرەدى»، - دەپ ءتۇسىندىردى مينيستر.

بۇگىندە اقپارات جانە كوممۋنيكاتسيالار مينيسترلىگى مەملەكەتتىك قىزمەت كورسەتۋ پروتسەستەرىن ودان ءارى دامىتۋ بويىنشا كەشەندى شارالاردى جۇزەگە اسىرۋدا.

ەڭ الدىمەن، «ەلەكتروندىق ۇكىمەتتىڭ» جانە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتىن ۇيلەستىرۋ مەن دامىتۋ شارالارى ەسكەرىلگەن.

«قازىرگى كەزدە 746 مەملەكەتتىك قىزمەتتىڭ 621 ءى نەمەسە 83 پايىزدان استامىن ازاماتتار مەملەكەتتىك كورپوراتسيا ارقىلى الۋعا قاۋقارلى. ەلىمىز بويىنشا ونىڭ 349 فرونت-كەڭسەسى بار. ولاردا جۇمىس ىستەيتىن 22 مىڭعا جۋىق قىزمەتكەر جىل سايىن 34 ميلليوننان استام قىزمەت كورسەتۋدە»، - دەپ ناقتىلادى داۋرەن ابايەۆ.

اۆتور: رۋسلان عابباسوۆ

سوڭعى جاڭالىقتار