11:26, 20 - قاراشا 2017 | GMT +6
الماتىدا لاڭكەستىككە قارسى وقۋ-جاتتىعۋ شاراسى ءوتىپ جاتىر
الماتى. قازاقپارات - الماتىدا روزىباكيەۆ كوشەسىندە ورنالاسقان «Mega Alma-Ata» ساۋدا ۇيىندە لاڭكەستىككە قارسى وقۋ-جاتتىعۋ شارالارى ءوتىپ جاتىر، دەپ حابارلايدى قازاقپارات ءتىلشىسى.
قالالىق ءى ءى د باسپا ءسوز قىزمەتى تاراتقان اقپاراتقا سايكەس، قۇقىق قورعاۋ ورگاندارى لاڭكەستىك بولا قالعان جاعدايدا ادام كوپ شوعىرلانعان جەردە قالاي ارەكەت ەتۋ داعدىسىن پىسىقتاپ جاتىر.
سونىمەن قاتار، وقۋ جاتتىعۋ شارالارى كەزىندە ساۋدا ءۇيىنىڭ ماڭايىندا شەكتەۋ شارالارى قابىلداندى.
«قالا تۇرعىندارى مەن ازاماتتارىنا تۇسىنىستىك تانىتۋلارىن وتىنەمىز. سونىمەن قاتار، جۇرگىزۋشىلەر جول مارشرۋتىن الدىن الا جوسپارلاپ شىقسىن. زاڭ وكىلىنىڭ ايتقانىنا باعىنباعان ازاماتتار ق ر ا ق ك 443-بابىنا سايكەس اكىمشىلىك جازاعا تارتىلاتىنىن ەسكەرتەمىز»، - دەدى باسپا ءسوز قىزمەتىنەن.
اۆتور: گۇلميرا عوسمانالي