قازاقستان جانە رەسەيدىڭ ەڭبەك مينيسترلىكتەرى ىنتىماقتاستىق تۋرالى مەموراندۋم جاساستى

None
None
استانا. قازاقپارات - ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مەن رەسەي فەدەراتسياسىنىڭ ەڭبەك جانە حالىقتى الەۋمەتتىك قورعاۋ ءمينيسترى ماكسيم توپيلين ت م د- عا مۇشە مەملەكەتتەردىڭ ەڭبەك، كوشى-قون جانە حالىقتى الەۋمەتتىك قورعاۋ جونىندەگى كونسۋلتاتيۆتىك كەڭەس اياسىندا ءوزارا ەكىجاقتى كەزدەسۋ وتكىزدى، دەپ حابارلايدى قازاقپارات.

وسىنىڭ اياسىنا تامارا دۇيسەنوۆا مەن ماكسيم توپيلين ىنتىماقتاستىق تۋرالى مەموراندۋمعا قول قويدى.

ەكىجاقتى ىنتىماقتاستىق جوباسى تاراپتاردىڭ حالىقارالىق قۇقىقتىق نورمالار مەن ۇلتتىق زاڭنامالارىنا سايكەس ۇزاق مەرزىمدى جانە تۇراقتى نەگىزدە ءتيىمدى، ءارى تەڭ قۇقىلى، ءوزارا ءىس-قيمىلدارعا مۇددەلى ەكەندىگىمەن تىعىز بايلانىستى بولىپ وتىر.

بىرلەسكەن جوبانىڭ ماقساتى - الەۋمەتتىك-ەڭبەك سالاسىندا دوستىق قارىم-قاتىناستاردى دامىتۋ جانە نىعايتۋ بولىپ تابىلادى.

بىرىككەن جۇمىس جوسپارى بىرنەشە باعىتتى قامتيدى. ياعني، تاراپتار جۇمىسپەن قامتۋ جانە حالىقتى الەۋمەتتىك قورعاۋ سالاسىنداعى زاڭنامالىق جانە وزگە دە نورماتيۆتىك قۇقىقتىق اكتىلەرمەن ءوزارا الماسۋدى كوزدەپ وتىر.

قۇجاتتىڭ تاعى ءبىر ماڭىزدىلىعى - حالىقتى جۇمىسپەن قامتۋ جانە حالىقتى الەۋمەتتىك قورعاۋ سالاسىندا تاجىريبە الماسۋعا ۋاكىلەتتى مەملەكەتتىك ورگانداردىڭ ىنتىماقتاستىعىن ارتتىرۋ.

سونىمەن بىرگە اتالعان مەموراندۋم بىرلەسكەن كەزدەسۋلەر، كونسۋلتاتسيالار، عىلىمي-پراكتيكالىق سەمينارلار، كونفەرەنتسيالار، دوڭگەلەك ۇستەلدەر جانە باسقا دا ءىس-شارالار وتكىزۋدە ەكى ەل اراسىنداعى قاتىناستى نىعايتۋعا باعىتتالعان.

مينيسترلىك وكىلدەرىنىڭ ايتۋىنشا، قۇجات ەكى مەملەكەتتىڭ الەۋمەتتىك-ەڭبەك قاتىناستارى سالاسىنداعى مەملەكەتتىك ساياساتتى ءتيىمدى جۇزەگە اسىرۋ باعىتىنداعى ىنتىماقتاستىقتىڭ بارلىق اسپەكتىلەرىن قامتيدى.

مەملەكەت باسشىسى ن. ءا. نازاربايەۆ چەليابينسكىدەگى قازاقستان مەن رەسەيدىڭ ايماقارالىق ىنتىماقتاستىعى فورۋمىندا، قوس مەملەكەتتە ىسكە اسىرىلاتىن كاسىپتىك ستاندارتتاردىڭ دامۋىن سينحرونداۋ مىسەلەسىن كوتەرگەن بولاتىن.

بۇل كەزدەسۋ ەلباسىنىڭ وسى تاپسىرماسى شەڭبەرىندە ىسكە استى. سونىمەن بىرگە ە ا ە و- قا مۇشە ەلدەردىڭ ۇلتتىق جۇيەلەرىنىڭ ەرەكشەلىكتەرى ەسكەرىلە وتىرىپ، قىزمەتكەرلەردى زەينەتاقىمەن قامسىزداندىرۋعا قاتىستى داۋلى ماسەلەلەردى رەتتەۋ جۇمىستارىن جەدەلدەتۋ جانە بىرىككەن ەۋرازيالىق ەلەكتروندى ەڭبەك بيرجاسىن قۇرۋ ماقساتىندا دا بۇل كەزدەسۋدىڭ ماڭىزى جوعارى.

ەسكە سالا كەتسەك، رەسەيدىڭ سانكت-پەتەربۋرگ قالاسىندا ت م د- عا قاتىسۋشى مەملەكەتتەردىڭ ەڭبەك، كوشى-قون جانە حالىقتى الەۋمەتتىك قورعاۋ ماسەلەلەرى بويىنشا كونسۋلتاتيۆتىك كەڭەسنىڭ 30-وتىرىسى ءوتتى.

جيىندا ت م د مەملەكەتتەرىنىڭ ءتيىستى مينيسترلىكتەرى، ۆەدومستۆو باسشىلارى مەن ساراپشىلار الەۋمەتتىك-ەڭبەك جانە كوشى-قون سالاسىنىڭ وزەكتى ماسەلەلەرى تالقىلاندى.

سوڭعى جاڭالىقتار