ول قارتايماي ما: كوپشىلىك سۋرەتتەگى ءۇش قىزدىڭ قايسىسى اناسى ەكەنىن تاپپاي باس قاتىرۋدا - فوتو
ول جەلىدە بۇرىنعى جانە قازىرگى ۋاقىتتا قىزدارىمەن بىرگە تۇسكەن ەكى سۋرەتىن جاريالاعان.
بايقالعانداي، ارادا ءبىرشاما جىل وتسە دە، كاەنيانىڭ سىرت كەلبەتى ەش وزگەرمەگەن. كەي ادامدار سۋرەتتەگى قىزداردىڭ اناسى قايسىسى ەكەنىن تابا الماي جاتتى.
بۇل كوللاجدى كاەنيا بۋكەر «ساعىنىشقا تولى بەيسەنبى» كۇنى جاريالاعان. ەكى سۋرەت اراسىنداعى جىل ايىرماشىلىعى 12-13 جىلدى قۇرايدى.
جەلى قولدانۋشىلارى سۋرەتتى ءوز پاراقشالارىندا ءبولىسىپ، «قالايشا وسىلاي جاس كورىنۋگە بولادى؟» دەگەن ساۋالدى جاۋدىردى. «ول اناسى ەمەس، اپكەسى»، «ولاردىڭ اناسى قارتايماي ما؟» دەپ جازادى جەلى قولدانۋشىلارى.
كاەنيا بۋكەر جاعىمسىز پىكىرلەردىڭ جانىنا باتقانىن، دەسە دە كوپشىلىك پىكىرى ۇناعانىن ايتتى. بۋكەر راسىمەن دە قىزدارىنىڭ اناسى ەكەنىن دالەلدەۋ ءۇشىن، ولارمەن بىرگە تۇسكەن تاعى بىرنەشە سۋرەت جاريالاعان.
كاەنيا بۋكەر تۇرمىس قۇرعان. كۇيەۋى ەكەۋى ءۇش بالانى تاربيەلەپ وتىر. ۇلكەن قىزى ك'لينيا 18 جاستا بولسا، ەكىنشى قىزى كوليا 16 جاستا، جالعىز ۇلدارى وبي 4 جاستا ەكەن.
كانادالىق ايەل Instagram-داعى پاراقشاسىندا ءتۇرلى شاش ۇلگىسىن جاساۋ جونىندە ساباقتار جۇرگىزەدى. ونىڭ پاراقشاسىنداعى وقىرماندار سانى 80 مىڭنان اسادى.
ول جەلىدە قىزدارىنىڭ سۋرەتىن ۇنەمى جاريالار تۇرادى. كەيدە قىزدارىنا دا ءتۇرلى شاش ۇلگىسىن جاسايدى ەكەن.