ناتو نورۆەگياداعى وقيعا ءۇشىن تۇركيا پرەزيدەنتىنەن كەشىرىم سۇرادى

None
None
استانا. قازاقپارات - تۇركيا پرەزيدەنتى رەجەپ تايپ ەردوعانمەن تەلەفون ارقىلى سويلەسكەن ناتو- نىڭ باس حاتشىسى يەنس ستولتەنبەرگ نورۆەگيادا ناتو-نىڭ وقۋ- جاتتىعۋى كەزىندە بولعان جاعداي ءۇشىن رەسمي تۇردە كەشىرىپ سۇرادى.

بۇل تۋرالى تۇركيا باسشىسىنىڭ اكىمشىلىگىنە سىلتەمە جاساپ انادولى اگەنتتىگى حابارلادى.

ناتو باس حاتشىسىنىڭ ايتۋىنشا، بولعان ءجايت جان-جاقتى تەكسەرىلۋدە. ال وعان قاتىسى بار كەلىسىمشارت بويىنشا تەحنيكالىق جۇمىسشى دەرەۋ جۇمىستان قۋىلدى.

ستولتەنبەرگ تۇركيا ناتو-نىڭ ماڭىزدى سەرىكتەسى بولىپ تابىلاتىنىن اتاپ ءوتتى.

«كەلەشەكتە مۇنداي وقيعالاردى بولدىرماس ءۇشىن بارلىق قاجەتتى شارالار قولعا الىناتىن بولادى. بولعان داۋ- داماي سولتۇستىكاتلانتيكالىق اليانستىڭ انكارامەن ودان ارعى قارىم- قاتىناسىنا اسەر ەتپەيدى دەگەن ۇمىتتەمىن»، - دەدى ناتو باس حاتشىسى.

ايتا كەتەيىك، 8-17 -قاراشا كۇندەرى ارالىعىندا نورۆەگيادا ناتو-نىڭ «ءۇش اشالى نايزا» («Trident Javelin») اتاۋىمەن وقۋ-جاتتىعۋى ءوتتى. ونىڭ ۇيىمداستىرۋشىلارى اليانستىڭ شارتتى قارسىلاستارى كورسەتىلگەن ستەند ىلگەن. ولاردىڭ اراسىندا تۇركيا رەسپۋبليكاسىنىڭ نەگىزىن قالاۋشى مۇستافا كەمال اتاتۇرىك پەن رەجەپ تايپ ەردوعان دا بولعان. ونى كورگەن تۇرىك اسكەريلەرى وقۋ-جاتتىعۋدان قاتىسۋعا باس تارتقان.

نورۆەگيانىڭ قورعانىس مينيسترلىگى مەن ناتو-نىڭ باس حاتشىسى تۇركيا پرەزيدەنتىنەن بۇعان دەيىن دە كەشىرىم سۇراعان بولاتىن.

 

سوڭعى جاڭالىقتار