شورت-ترەكتەن الەم كۋبوگى كەزەڭىندە «قولا» بۇيىردى

استانا. قازاقپارات - قازاقستاندىق شورت-ترەكشى اناستاسيا كرەستوۆا سەۋلدە ءوتىپ جاتقان الەم كۋبوگىنىڭ ءتورتىنشى كەزەڭىندە قولا مەدال ەنشىلەدى، دەپ حابارلايدى قازاقپارات سىلتەمە جاساپ.

«اناستاسيا كرەستوۆا الەم كۋبوگىنىڭ B فينالىندا ءۇشىنشى ورىن الدى. ول 1500 شاقىرىمدى 2:37.255 ۋاقىتتا جۇگىرىپ ءوتتى. ەكىنشى ورىندا قىتايلىق يحان گۋو، ونىڭ ۋاقىتى - 2:35.806.  ۇلى بريتانيالىق ەليزا كريستي 2:35:781 ۋاقىتىمەن ءبىرىنشى ورىننان كورىندى»، - دەلىنگەن تاراتىلعان حابارلامادا.

ايتا كەتەيىك، شورت ترەكتەن الەم كۋبوگىنىڭ IV كەزەڭى 19 قاراشاعا دەيىن جالعاسادى. ليتسەنزيالىق جارىستاردان كەيىن، سپورتشىلاردىڭ وليمپيادا ويىندارىنا جولداما الۋ مۇمكىندىگى بار.

رەيتينگ الەم كۋبوگىنىڭ ءتورت كەزەڭى بويىنشا جاسالادى. وليمپيادا ويىندارىنا ليتسەنزيا الۋ ءۇشىن سپورتشى توپ-36 (1500 م. ەرلەر مەن ايەلدەر)، توپ-32 (500 جانە 1000 م) رەيتينگىنە ەنۋى كەرەك. ەستافەتاعا 8 كوماندا قاتىسا الادى.