ۇيىندە ءيت ۇستايتىن ادامداردىڭ باسقالارعا قاراعاندا ۇزاق ءومىر سۇرەتىنى دالەلدەندى

استانا. قازاقپارات - ءيت ۇستايتىن ادامدار وزگەلەرگە قاراعاندا ۇزاعىراق ءومىر سۇرەدى ەكەن. عالىمدار مۇنىڭ ناقتى سەبەبىن ءالى تاپپاعان.

بۇل تۋرالى Scientific Reports جۋرنالىندا عىلىمي ماقالا شىقتى دەپ حابارلايدى Baq.kz اقپارات اگەنتتىگى.

«ءبىزدىڭ دەرەكتەرىمىزگە سۇيەنسەك، يت اسىراۋ ادامداردىڭ مەزگىلسىز قازا بولۋ قاۋپىن %33 عا قىسقارتادى جانە جۇرەك-قان تامىرلارى اۋرۋىن %11 عا ازايتادى. ەڭ قىزىعى، ءبىز بۇرىننان بىلەتىن جالعىز باستى ادامداردىڭ ومىرىنە جاقسى اسەر ەتكەن. ولار وتباسىنىڭ باسقا مۇشەلەرىنە قاراعاندا ۇزاق ءومىر سۇرەدى»، - دەدى ۋپسال ۋنيۆەرسيتەتىنىڭ (شۆەتسيا) مامانى مۆەنيا مۋبانگا (Mwenya Mubanga).

كوپتەگەن بيولوگ جانە پسيولوگ عالىمدار ادامدارمەن قارىم-قاتىناس جاساۋ يتتەردىڭ ومىرىندە ماڭىزدى ءرول وينايدى دەگەن قورىتىندى شىعاردى.

ماسەلەن، نەيروفيزيولوگتار يتتەر ءوز قوجايىندارى ايتقان سوزدەردىڭ ينتوناتسياسى مەن ماعىناسىن تۇسىنەدى، ولار ادامدارمەن تەك تاماق ءۇشىن ەمەس، وزىنە نازار اۋدارىپ، جاقسى ەموتسيا الۋ ءۇشىن قارىم-قاتىناسقا تۇسەدى دەگەندى انىقتادى.

يتتەر تانىس جانە بەيتانىس ادامنىڭ جۇزىندەگى كەز كەلگەن ەموتسيانى اجىراتا الادى. سونداي-اق، «كەرەك ەمەس» اقپاراتتى دا ەسكە ساقتاپ قالادى جانە ونى يەسىمەن قارىم-قاتىناس كەزىندە پايدالانادى ەكەن.

زەرتتەۋ كورسەتكەندەي، ءيت ادامنىڭ دەنساۋلىعىنا وتە جاعىمدى اسەر ەتەتىن بولىپ شىقتى. ءيت اسىرايتىندار باسقالارعا قاراعاندا ايتارلىقتاي ۇزاق ءومىر سۇرەدى جانە ولاردىڭ مەزگىلىنەن بۇرىن ءولۋى دە ەداۋىر سيرەك.

ءبىر قىزىعى، بۇعان ءيتتىڭ قانداي تۇقىم ەكەنى دە اسەر ەتەدى ەكەن - دەكواتيۆتى جانە قالالىق ءيت ۇستايتىندارعا قاراعاندا اڭشى ءيت ۇستايتىندار ورتاشا العاندا ۇزاعىراق ءومىر سۇرەدى.