الماتىدا سپورتتىق بيدەن «كۇز ءۆالسى» حالىقارالىق جارىسى باستالدى

استانا. قازاقپارات - بۇگىن الماتىدا سپورتتىق بيدەن «كۇز ءۆالسى-2017» 11-حالىقارالىق تۋرنير باستالدى، دەپ حابارلايدى قازاقپارات ءتىلشىسى.

جارىسقا قازاقستان سپورتشىلارىنان بولەك قىرعىزستان، بەلارۋس، ۋكراينا، وزبەكستان جانە رەسەي مەملەكەتتەرىنىڭ وكىلدەرى قاتىسادى.

ەستەرىڭىزگە سالا كەتەيىك، بۇل تۋرنير الماتىدا 2005-جىلدان بەرى ءداستۇرلى تۇردە ۇيىمداستىرىلىپ كەلەدى.

جارىس اياسىندا حالىقارالىق سايىستاردىڭ كاتەگورياسى بويىنشا ق ر بىرىنشىلىگى مەن كۋبوگى وتكىزىلەدى: بالالار (4-6 جاس)؛ يۋۆەنالدار 1 (7-9 جاس)؛ يۋۆەنالدار 2 (10-11 جاس)؛ يۋنيورلار 1 (12-13 جاس)؛ يۋنيورلار 2 (14-15 جاس)؛ جاستار (16-18 جاس) جانە ەرەسەكتەر (19-دان جوعارى).

جارىسقا وزگە مەملەكەتتەردەن كەلگەن بىلىكتى ماماندار تورەلىك ەتەدى. جەڭىمپازدار مەن جۇلدەگەرلەر 19- قاراشا كۇنى انىقتالادى.

اۆتور: كۇنسۇلتان وتارباي