وتاندىق عالىمدار سورتاڭ جەردى از ۋاقىتتا تىڭايتۋعا بولاتىنىن دالەلدەدى

استانا. قازاقپارات - وڭتۇستىك قازاقستان وبلىسىنىڭ جاس عالىمدارى قۇنارسىز جەردى تىڭايتۋدىڭ الەمدىك تاجىريبەسىن جاڭارتتى. ولار سورتاڭ جەردى ەڭ قىسقا مەرزىمدە تىڭايتۋعا بولاتىنىن دالەلدەدى.

 قازىرگە دەيىن الەمدە جەردى قۇنارلاندىرۋعا 6 اي ۋاقىت جۇمسالسا، جاس عالىمدار ونى 2 جارىم ايدا ەڭسەرۋگە بولادى دەيدى. ول ءۇشىن توپىراققا كالتسيي قوسپاسىن ارالاستىرىپ، جاعىمسىز گازدان ارىلتۋ كەرەك. ول ىدىراعان كەزدە توپىراقتان وتتەگى ءبولىنىپ، قۇنارلانۋ پروتسەسى جىلدامدايدى.

 قوجا احمەت ياسساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ ماماندارى بۇل جاڭالىق ەلىمىزدەگى سور باسقان توپىراقتى قۇنارلاندىرۋعا جول اشاتىنىن ايتادى. ال رەسەيلىك عالىمدار عىلىمي جەتىستىكتى وڭ باعالاپ، پاتەنت بەرگەن.

امانكۇل اقباسوۆا، ق. ا. ياسساۋي اتىنداعى ح ق ت ۋ پروفەسسورى:

 - وڭتۇستىك قازاقستانداعى جەرلەرىمىز قۇنارسىز. سۋ ازايعان كەزدە سەمەنت سەكىلدى قاتىپ قالادى. سونى بورپىلداق تۇرگە اينالدىرۋ ءۇشىن فيزيكالىق، حيميالىق قۇرىلىمىن جوندەۋ ءۇشىن قولدانامىز.

ۆەرميتەحنولوگيانى دۇنيە ءجۇزى بويىنشا كوپتەگەن ەلدەر قولدانادى. ونىڭ ۇزاقتىعى التى اي بولاتىن بولسا، ءبىز ونى جاڭعىرتىپ جەتىلدىرىپ ۋاقىتىن 2-2,5 ايعا دەيىن قىسقارتتىق. رەسەيدىڭ پاتەنتىن الدىق.

www.24.kz