رەسەي قازاقستاندا جاسالعان ونىمدەردى الاتىن بولدى
وتىرىسقا پرەمەر- ءمينيستردىڭ ءبىرىنشى ورىنباسارى اسقار مامين مەن رەسەي فەدەراتسياسى ۇكىمەتى ءتوراعاسىنىڭ ءبىرىنشى ورىنباسارى يگور شۋۆالوۆ قاتىستى.
«اقتوبە رەلس- ارقالىق زاۋىتى» - ەۋرازيالىق ەكونوميكالىق وداق اۋماعىنداعى «ر-65» ستاندارتىمەن تەمىرجول رەلستەرىن شىعاراتىن جالعىز كەشەن. وسى جىلدىڭ 9 ايىندا كاسىپورىندا 31,2 ميلليارد تەڭگەگە 116,4 مىڭ توننا رەلس ءونىمى شىعارىلدى. زاۋىت وزبەكستان، تۇرىكمەنستان، ازەربايجان ەلدەرىنە ءونىم ەكسپورتتاپ وتىر. ەندى كورشىلەس رەسەي كاسىپورنىنان تاپسىرىس تۇسە باستادى. ورتالىق ازيادا تەڭدەسى جوق كەشەن جىلىنا 200 مىڭ توننا تازا رەلس جانە 230 مىڭ توننا ارقالىق بۇيىمدارىن شىعارادى. زاۋىت كەلەسى جىلدان باستاپ تولىق قۋاتتىلىقپەن جۇمىس ىستەيدى.
ۇكىمەتارالىق كوميسسيا وتىرىسىندا ەكى ەل اراسىنداعى ەكونوميكالىق بايلانىستى نىعايتۋ جولدارى دا سارالاندى. ول ءۇشىن قولايلى جاعداي مەن مول مۇمكىندىك بار. مىسالى، تەك اقتوبە وبلىسى مەن رەسەي فەدەراتسياسى اراسىنداعى تاۋار اينالىمى 25 جىل ىشىندە 12 ەسەگە ۇلعايىپ، 862 ميلليون دوللارعا جەتكەن.
اسقار مامين، ق ر پرەمەر- ءمينيسترىنىڭ ءبىرىنشى ورىنباسارى:
- بيىل ءبىزدىڭ ەلمەن ەۋرازيالىق ەكونوميكالىق وداق اياسىنداعى ارىپتەس مەملەكەتتەر اراسىنداعى ساۋدا اينالىمى 30 پايىزعا ءوستى. ال وسى ەكونوميكالىق قۇرىلىم قۇرامىنداعى ەلدەرگە ەكسپورت كولەمى 40 پايىزعا ارتىپ وتىر. ياعني ينتەگراتسيالىق ۇيىم بەلگىلى ءبىر جەتىستىككە جەتتى دەۋگە بولادى.
يگور شۋۆالوۆ، ر ف ۇكىمەت ءتوراعاسىنىڭ ءبىرىنشى ورىنباسارى:
- ەكى ەل كوشباسشىسى كووپەراتسيا مەن ينتەگراتسيانى دامىتۋ قاجەتتىگىن اركەز ايتىپ جۇرەدى. «رەلس- ارقالىق» زاۋىتى - وسى يدەيانىڭ ورىندالعانىنىڭ ءبىر كورىنىسى. دايىن ءونىم اقتوبەدە شىعادى. زاۋىتتىڭ زاماناۋي بۇيىمدارىن الەمنىڭ كوپتەگەن ەلدەرى پايدالانادى دەگەن ۇمىتتەمىن. ونىڭ ىشىندە ءبىز رەسەي مۇنداي ساپالى تاۋاردى ساتىپ الۋعا دايىنبىز.
www.24.kz