تۇركيادا قوجا احمەت ياساۋي جايلى جاڭا رومان جارىق كوردى
وسىعان وراي انكاراداعى قازاقستان ەلشىلىگىندە جاڭا تۋىندىنىڭ تۇساۋكەسەر ءراسىمى ءوتىپ، وقىرمان قاۋىمعا كەڭىنەن تانىستىرىلدى.
باسقوسۋدا ەلشى ابزال ساپاربەك ۇلى ەڭبەكتىڭ ءتۇبى ءبىر تۋىس حالىقتار ءۇشىن اسا ماڭىزدى ەكەنىن اتاپ ءوتىپ، جيىلعان قاۋىمعا ەلباسىنىڭ «رۋحاني جاڭعىرۋ» باعدارلاماسى اياسىندا اتقارىلىپ جاتقان ءىس- شارالاردى بايانداپ بەردى. ال كىتاپ اۆتورى، جازۋشى الپەر قاعان ۇچەر قازاقستان پرەزيدەنتى نۇرسۇلتان نازاربايەۆتىڭ قوعامدىق سانانى جاڭعىرتۋ بويىنشا قولعا العان باستامالارىن جوعارى باعالاپ، تۇركىدەن شىققان قوجا احمەت ياساۋي سىندى ۇلى تۇلعالاردىڭ رۋحاني مۇرالارىن ناسيحاتتاۋ قاجەتتەگىنە ەرەكشە نازار اۋداردى.
ابزال ساپاربەك ۇلى، قازاقستاننىڭ تۇركياداعى توتەنشە جانە وكىلەتتى ەلشىسى:
- ءبىز وسىنداي تۋىندىنىڭ ءبىرىنشى كەزەكتە جاقىن ارادا ەلباسىمىزدىڭ «رۋحاني جاڭعىرۋ: بولاشاققا باعدار» باعدارلاماسىنىڭ مازمۇنىنا قانشالىقتى ۇيلەسىمدى ەكەنىن كوردىك. سوندىقتان ول كەلەشەك ۇرپاققا دا تۇسىنىكتى بولۋى ءۇشىن وسى رۋحاني باعدارلاما شەڭبەرىندە وتكىزۋدى ۇيعاردىق.
www.24.kz