جاڭ شياۋدۇڭ: قازىر قىتاي- ەۋروپا باعىتىن قازاقستانسىز ەلەستەتۋ مۇمكىن ەمەس
ونىڭ ايتۋىنشا، سوڭعى جىلدارى قىتايدان كارى قۇرلىققا قاراي جۇك تاسىمالى ەكى ەسەگە ءوستى. ال قازاقستاننىڭ تاسىمال جۇيەسى بۇل قارقىنعا ساي كەلەتىنىن كورسەتتى. وعان جەڭىلدەتىلگەن كەدەندىك باقىلاۋ جۇيەسى مەن ينفراقۇرىلىمدى جۇيەلى تۇردە دامىتۋ سەپتىگىن تيگىزگەن.
ساراپشىنىڭ سوزىنشە، سونىڭ ناتيجەسىندە قازاقستان ترانزيتتىك تاسىمال سالاسىندا باسىمدىققا يە بولىپ وتىر. ماسەلەن، ءبىزدىڭ تەرريتوريا ارقىلى قىتاي- ەۋروپا- قىتاي باعىتىندا 104 مىڭ كونتەينەر وتكەن. 2020 -جىلعا قاراي وسى باعىت بويىنشا تاسىمال كولەمىن 800 مىڭ كونتەينەرگە دەيىن جەتكىزۋ جوسپارلانعان.
جاڭ شياۋدۇڭ، بەيجىڭ كولىك ۋنيۆەرسيتەتى تاسىمال ينستيتۋتى ديرەكتورىنىڭ ورىنباسارى:
- «ءبىر بەلدەۋ، ءبىر جول» ستراتەگياسى بىرنەشە باعىتتان تۇرادى. ءبىز ەۋروپاعا بىرنەشە جولمەن جۇك جەتكىزە الامىز. ءبىراق باتىس قىتايدان قازاقستاندى باسىپ وتەتىن جول نەگىزگى باعىتقا اينالىپ كەلەدى. بۇگىندە قازاقستان ءوزىنىڭ ترانزيتتىك الەۋەتىن ءتيىمدى پايدالانىپ ۇلگەردى. قىتاي- ەۋروپا باعىتىنىڭ ۇزدىكسىز جۇمىس جاساۋىنا كورشىمىز تەڭدەسسىز ۇلەس قوسىپ كەلەدى. الايدا جوسپار بويىنشا، جىل سايىنعى جۇك تاسىمالىن 5000 پويىزعا جەتكىزۋدى كوزدەلگەن. سوندىقتان وسى سالاداعى ارىپتەستىكتى تاعى ءبىر ساتى كوتەرۋىمىز كەرەك.
www.24.kz