قازاقستاننان «قىلمىس الەمىنىڭ سەركەسى» قۋىلدى

استانا. قازاقپارات - قازاقستان اۋماعىنان «قىلمىس الەمىنىڭ سەركەسى» گرۋزين داۆيد گەرلياني شىعارىلدى. بۇل جايىندا ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايتتى،

 دەپ حابارلايدى قازاقپارات.

 «بۇگىن ق ر ءى ءى م جانە ۇ ق ك قىزمەتكەرلەرى كوشى- قون زاڭناماسىن بۇزعانى ءۇشىن «داتو سۆان» لاقاپ اتىمەن تانىمال قىلمىس الەمىنىڭ بەدەلدىسى گرۋزين گەرلياني داۆيد نۋگزار ۇلىن رەسپۋبليكا اۋماعىنا كەلۋگە تىيىم سالا وتىرىپ، شىعارىپ جىبەردى. ول ەلىمىزدىڭ اۋماعىنا «ۇرىلار يدەولوگياسىن» تاراتۋ ماقساتىندا وزگە بىرەۋدىڭ ءتولقۇجات مالىمەتتەرىمەن كەلگەن. مينيسترلىك تاياۋ جانە الىس شەت ەلدەردىڭ قىلمىس الەمى وكىلدەرىنىڭ رەسپۋبليكاعا ەنۋىنە جول بەرمەۋ شارالارىن تۇراقتى نەگىزدە جۇزەگە اسىرۋدا»، - دەدى الماس سادۋبايەۆ.

 اۆتور: مارلان جيەمباي