شىمكەنتتە «كۇش اتاسى قاجىمۇقان» اتتى انيماتسيالىق فيلمى كورەرمەنگە ۇسىنىلادى
بۇل - شىعارماشىلىق ۇجىمنىڭ جوسپارلاعان ءتورت جوباسىنىڭ العاشقىسى. «رۋحاني جاڭعىرۋ» باعدارلاماسى بويىنشا ۇلى دالا ەلىن ۇلىقتايتىن تاعى ەكى مۋلتفيلم مەن «كونە جەتىگەن سىرى» دەگەن 13 سەريالى كينوفيلم ءتۇسىرىلىپ جاتىر. بارلىعى دا جاڭا جىلدان سوڭ كينوتەاترلاردا كورسەتىلە باستايدى.
نامىستى رۋحپەن قايراپ، ارىن جانىنان جوعارى قويىپ، جەڭىلىستى وزىنە ءولىم ساناعان بابانىڭ بەينەسى بالا كوڭىلىن ءاردايىم بيىكتە بولۋعا جەتەلەيدى. سول ۇمتىلىستى كۇندەلىكتى ومىردە جاساۋعا بولاتىنىن كورسەتەدى. ەرەسەكتەر ءۇشىن دە ءتالىم الار تۇسى بار.
باتىرحان داۋرەنبەك، «كۇش اتاسى قاجىمۇقان» انيماتسيالىق فيلمىنىڭ رەجيسسەر- سسەناريسى:
- ول ءوزى قارتايسا دا كۇشىن، ونەرىن كورسەتىپ، سوعىس كەزىندە اقشاعا ۇشاق جاساتىپ، سوعىسقا جىبەرگەنى پاتريوتيزمنىڭ ۇلگىسى بولادى دەپ ەسەپتەيمىز.
كينوكومپانيانىڭ ءتورت جوباسىنا دا قارجى وبلىستىق بيۋدجەتتەن ءبولىنىپتى. ارينە، ەلدىڭ رۋحىن كوتەرەتىن سسەناريى بولعان سوڭ. «كيەلى قازىعۇرت» انيماتسيالىق فيلمى «باسىندا قازىعۇرتتىڭ كەمە قالعان، ول اۋليە بولماسا نەگە قالعان» دەگەن ءاپسانانىڭ توڭىرەگىندە ورىلەدى. ادامزاتتىڭ وسى قازىعۇرتتان تارايتىنىن ايتادى. ول D3 ۇلگىسىندە جاسالىپ جاتىر.
سامات نۇراليەۆ، انيماتور:
- ول انيماتوردىڭ ۋاقىتىن ۇنەمدەيدى. ەكىنشىدەن، انيماتورعا كەيىپكەردىڭ ءتۇرلى ەموتسياسىن بەرۋگە مۇمكىندىك جاسايدى. ال «كونە جەتىگەننىڭ سىرى» سەريالى وتىراردىڭ تاريحىن كورەرمەندى قىزىقتىرا وتىرىپ، تانىستىرىپ، وقيعا جەلىسىمەن ءوڭىردىڭ بار كيەلى جەرىن كورسەتىپ شىعادى. سول كيەلى جەرلەردى وسكەلەڭ جاس جاۋدان قورعايدى. فيلم ءوڭىردىڭ تاريحي كارتاسى ىسپەتتەس.
نۋريددين پاتتيەۆ، «كونە جەتىگەننىڭ سىرى» فيلمىنىڭ رەجيسسەرى:
- شەتەلدىك ادامنىڭ وڭتۇستىك وڭىرگە دەگەن قىزىعۋشىلىعىن ارتتىرۋ بولىپ تابىلادى. ءبىز ويلاپ وتىرمىز، ءاربىر تۋريست قايدا بارارىن، نە كورەرىن ءبىلىپ وتىرادى. بۇل تۋىندىلار جاڭا جىلدان سوڭ كورەرمەن تالقىسىنا ۇسىنىلاتىن بولادى.
اۆتورلارى: ابدەز راحمان ۇلى، نۇرماحان مۇساتوۆ
www.24.kz