بانكتەر يپوتەكانى بەرۋدە نەگە بەلسەندى ەمەستىگى انىقتالدى

None
None
استانا. قازاقپارات - بانكتەر يپوتەكاعا قاتىسۋعا بەلسەندىلىك تانىتپاي وتىر. بۇل تۋرالى پارلامەنت ماجىلىسىندە ق ر ي د م قۇرىلىس جانە تۇرعىن ءۇي- كوممۋنالدىق شارۋاشىلىق ىستەر كوميتەتى ءتوراعاسىنىڭ ورىنباسارى باقىتجان قاشاقوۆ ءمالىم ەتتى،

 دەپ حابارلايدى قازاقپارات.

 «بانكتەرگە توقتالاتىن بولساق، ولار يپوتەكاعا قاتىسۋعا بەلسەندىلىك تانىتپاي وتىر. 2016 -جىلى بانكتىك زاڭناماعا ءتيىستى وزگەرىستەر ەنگىزىلدى، وسى ورايدا بۇل قادامدار يپوتەكا الۋشىلاردىڭ مۇددەسىن قورعاپ وتىر. مەرزىمى ءوتىپ كەتكەن يپوتەكا بويىنشا، ياعني ونىڭ ۋاقىتى 6 ايدان اسىپ كەتسە، وندا بۇگىندە بانكتەر ءوسىم پۇلداردى ەسەپتەۋگە جانە ايىپپۇلداردىڭ وزگە دە تۇرلەرىن قوسۋعا قۇقىلى ەمەس»، - دەپ توقتالدى كوميتەت وكىلى ماجىلىستەگى «نۇر وتان» پارتياسى فراكسياسى جانىنداعى تۇرعىن ءۇي جانە ينفراقۇرىلىم ماسەلەسى جونىندەگى كوميسسيانىڭ وتىرىسىندا.

سونىمەن قاتار ب. قاشاقوۆ پروبلەمالى يپوتەكا الۋشىلارعا بايلانىستى تۋىنداعان سوت تاجىريبەسى تۋرالى ايتىپ بەردى. بۇل تۇرعىدا ەگەر ادامنىڭ جالعىز باسپاناسى بولسا، ونى تارتىپ الۋعا جول بەرىلمەيدى.

 «بانكتەر ءۇشىن تاعى ءبىر پروبلەما مىندەتتەمەلەردى ورىنداۋ بويىنشا ءتارتىپتىڭ وزگەرۋىنە قاتىستى بولىپ وتىر. اتاپ ايتقاندا، قازىر باستاپقىدا نەگىزگى قارىز تولەنەدى، ال كەيىنننەن پايىزدىق مولشەرلەمە وتەلەدى. وسى فاكتورلارعا بايلانىستى بانكتەر يپوتەكانى بەرۋدە اسا بەلسەندىلىك تانىتپاي وتىر»، - دەپ ناقتىلادى قۇرىلىس جانە تۇرعىن ءۇي- كوممۋنالدىق شارۋاشىلىق ىستەر كوميتەتى ءتوراعاسىنىڭ ورىنباسارى.

 اۆتور: رۋسلان عابباسوۆ

سوڭعى جاڭالىقتار