قازاقستانداعى ەڭ ۇزدىك جول پوليتسەيى انىقتالدى

استانا. قازاقپارات - قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن جول- پاترۋلدىك پوليتسيا قىزمەتكەرلەرىنىڭ اراسىندا جىل سايىنعى رەسپۋبليكالىق «ۇزدىك مامان» كونكۋرسى ءوتىپ، ونىڭ جەڭىمپازدارى انىقتالدى.

 اعىمداعى جىلدىڭ 14-17- قاراشا كۇندەرى ارالىعىندا استانا قالاسىندا وتكەن قورىتىندى بايقاۋعا رەسپۋبليكانىڭ وڭىرلەرىنەن 16 جول- پاترۋلدىك پوليتسيا قىزمەتكەرى قاتىستى، دەپ حابارلايدى ق ر ءى ءى م باسپا ءسوز قىزمەتى.

 كونكۋرس بارىسىندا ءتارتىپ ساقشىلارى كولىكتىڭ ەكى تۇرىنەن مانيەۆر جاساۋ، العاشقى مەديتسالىق كومەك كورسەتۋ، قويان- قولتىق كۇرەستىڭ تاسىلدەرىن مەڭگەرۋ، قالانىڭ كۇردەلى كوشە قيىلىستارىندا قولمەن رەتتەۋ سىندارىنان ءوتۋ قاجەت ەدى. سونىمەن قاتار كونكۋرسقا قاتىسۋشىلار تابەلدىك جانە اۆتوماتتى قارۋدان وق اتۋ، دەنە شىنىقتىرۋ دايىندىعى، نورماتيۆتىك- قۇقىقتىق اكتىلەردى ءبىلۋ، وق اتۋ جانە قىزمەتتىك دايىندىق تەورياسىن مەڭگەرۋ بىلىكتىلىكتەرى بويىنشا باعالاندى.

 3 كۇندىك بايقاۋدىڭ قورىتىندىسى بويىنشا 1-ورىندى پوليتسيا اعا لەيتەنانتى ەرجان نۇراحمەتوۆ (شىعىس قازاقستان وبلىسى) يەلەنسە، قالعان 2 جانە 3 - ورىنداردى ايدىن نۇرىموۆ (پاۆلودار وبلىسى) پەن پوليتسيا سەرجانتى دەنيس انۋچين ءوزارا ءبولىستى (قوستاناي وبلىسى).

 سونداي- اق بايقاۋ جەڭىمپازدارى «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» جانە «قازاقستان پوليتسياسىنا 25 جىل» مەدالدارىمەن، قازاقستان رەسپۋبليكاسى ىشكى ىستەر مينيسترلىگىنىڭ قۇرمەت گراموتاسىمەن، اقشالاي سىياقىمەن ماراپاتتالدى.

جول پاترۋلدىك پوليتسيا قىزمەتكەرلەرىنىڭ قىلمىستاردى ءىزىن سۋىتپاي اشۋى وتكەن جىلمەن سالىستىرعاندا 3,4  پايىزعا (223835-تەن  24645-كە دەيىن،) ونىڭ ىشىندە: كىسى ءولتىرۋ قىلمىسىن اشۋ 27,7  پايىزعا (90-نان 115-كە دەيىن) جانە اۋىر دەنە جاراقاتىن كەلتىرۋ قىلمىسىن اشۋ 10 پايىزعا ( 522-دەن 575-كە دەيىن) وسكەن.