ق ر پرەزيدەنتى جانىنداعى مەملەكەتتىك ناگرادالار كوميسسياسىنىڭ وتىرىسى ءوتتى
دەپ حابارلايدى اقوردانىڭ باسپا ءسوز قىزمەتى.
باسقوسۋدا مەملەكەتتىك ورگانداردىڭ، ۇيىمدار مەن قوعامدىق بىرلەستىكتەردىڭ مەملەكەتتىك ناگرادالارمەن ماراپاتتاۋ جونىندەگى ۇسىنىستارى قارالدى. كوميسسيا - قازاقستان رەسپۋبليكاسىنىڭ مەملەكەتتىك ناگرادالارىن بەلگىلەۋ جانە جويۋ تۋرالى ۇسىنىستاردى، ناگرادا ماسەلەلەرى جونىندەگى زاڭ جوبالارىن جانە باسقا دا نورماتيۆتىك قۇقىقتىق اكتىلەردى، قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتاۋ تۋرالى ۇسىنىمداردى قارايتىن قازاقستان رەسپۋبليكاسىنىڭ پرەزيدەنتى جانىنداعى كونسۋلتاتيۆتىك- كەڭەسشى ورگان بولىپ تابىلادى. جيىن قورىتىندىسى بويىنشا كوميسسيا مۇشەلەرى ماراپاتتاۋ ءۇشىن مەملەكەت باسشىسىنا ۇسىنىلاتىن كانديداتتاردى انىقتادى. مەملەكەتتىك ناگرادالاردى تاپسىرۋ ءراسىمى قالىپتاسقان داستۇرگە سايكەس تاۋەلسىزدىك كۇنى قارساڭىندا وتەدى.