بيزنەس اشۋعا ارنالعان مەملەكەتتىك گرانتتار بايقاۋى جاريالاندى

استانا. قازاقپارات - قاراعاندى وبلىسىنىڭ كاسىپكەرلىك باسقارماسى ءوز بيزنەسىن باستاۋعا مەملەكەتتەن بەرىلەتىن گرانتتاردىڭ بايقاۋىن جاريالادى. بايقاۋعا ءوز ءىسىن باستاعىسى كەلگەن جاس كاسىپكەرلەر، مۇگەدەكتەر، سونداي- اق 50-دەن اسقان ادامدار قاتىسا الادى،

 دەپ حابارلايدى وبلىستىق اكىمدىكتىڭ باسپا ءسوز قىزمەتى.

مەملەكەتتىك گرانتتاردى ۇسىنۋ «بيزنەستىڭ جول كارتاسى 2020» بيزنەستى قولداۋ باعدارلاماسىنىڭ ءبىر بولىگى بولىپ تابىلادى.

بايقاۋعا قاتىسۋ ءۇشىن ۇمىتكەرلەر بەكىتىلگەن ۇلگى بويىنشا جازىلعان ءوتىنىم مەن بايقاۋدىڭ تولىق قۇجاتتار توپتاماسىن ۇسىنۋلارى قاجەت. ونى ءوتىنىم بەرۋشى ءوزى نەمەسە ءوزىنىڭ ۋاكىلەتتى وكىلى ارقىلى جاساي الادى.

وتىنىمدەر قاراعاندى قالاسىنىڭ كاسىپكەرلىك جانە اۋىلشارۋاشىلىق بولىمىندە قابىلدانادى.

پوشتالىق مەكەنجاي: 100008، قاراعاندى، بەيبىتشىلىك گۇلزارى، 39 ءۇي، كاب. 4، 7.

ەلەكتروندى پوشتا: [email protected].

وتىنىمدەردى قابىلداۋ سوڭعى كۇنى - 28- قاراشا، ساعات كۇندىزگى 13:00-گە دەيىن.

بايقاۋدىڭ ۇيىمداستىرۋشىسى: «قاراعاندى وبلىسىنىڭ كاسىپكەرلىك باسقاراماسى» م م.