ساپاربايەۆ اۋىلدار اراسىنداعى وتكىزۋ بەكەتىنىڭ ۇزدىكسىز جۇمىس ىستەۋىن ۇسىندى
اقتوبەدە وتكەن ۇكىمەتارالىق كوميسسيانىڭ وتىرىسى كەزىندە ءوڭىر باسشىسى بەردىبەك ساپاربايەۆ قاراپايىم حالىقتىڭ ماسەلەسىن قوزعادى.
سەبەبى، اقتوبە وبلىسى قوبدا اۋدانى مەن رەسەيدىڭ ورىنبور وبلىسى اراسىنداعى وتكىزۋ بەكەتى اپتاسىنا ءۇش كۇن عانا جۇمىس ىستەيدى. بۇل تۋعان-تۋىس، اعايىن ءۇشىن قيىندىق تۋدىرىپ تۇر.
«اقتوبەنىڭ جيرەنقوپا اۋىلى مەن رەسەيدىڭ پەرۆومايسكي اۋىلى اراسىندا وتكىزۋ بەكەتى بار. وكىنىشتىسى، بەكەت اپتاسىنا ءۇش تاۋلىك جۇمىس ىستەيدى. ءبىز بۇل وتكىزۋ بەكەتىن ۇزدىكسىز جۇمىس رەجيمىنە كوشىرۋدى ۇسىنامىز. سول كەزدە تەك قازاقستاننىڭ باسقا وبلىس، اۋداندارى عانا ەمەس، وزگە ەلدىڭ ادامدارى دا وسى جول ارقىلى وتە الادى»، - دەدى اقتوبە وبلىسىنىڭ اكىمى بەردىبەك ساپاربايەۆ.
قازاقستان-رەسەي اراسىنداعى ىنتىماقتاستىق جونىندەگى ۇكىمەتارالىق كوميسسيا وتىرىسى كەزىندە ءبىرقاتار كەلىسىمدەر جاسالدى. بۇعان دەيىن حابارلاعانىمىزداي، رەسەي تەمىرجولدى جاڭعىرتۋ، ترانزيتتىك بايلانىستى جانداردىرۋ ءۇشىن اقتوبەدە شىعارىلاتىن رەلستەردى ساتىپ الادى.
اۆتور: التىناي ساعىندىقوۆا