استانا حوككەي جۇلدىزدارىنىڭ باسىن قوسادى
55 كۇننەن كەيىن استانادا ايەلدەر حوككەي ليگاسىنىڭ جۇلدىزدار ماتچىمەن ماۋسىمنىڭ باستى حوككەي شوۋى - حوككەي جۇلدىزدارى 2018 اپتاسى باستالادى.
شارا قازاقستان استاناسىندا 2018-جىلدىڭ 10-14- قاڭتار ارالىعىندا وتەدى. استانا كونتينەنتالدى حوككەي ليگاسىنىڭ ەڭ ۇزدىك ويىنشىلارىن وزىندە قابىلداۋ قۇقىققا يە بولدى.
سوڭعى 20 جىلدا، قازاقستاننىڭ استاناسى دارەجەسىن الۋدىڭ جانە قارقىندى قۇرىلىستىڭ ارقاسىندا، استانا بىرەگەي قالاعا اينالدى، وندا قازاق حالقىنىڭ تاريحى مەن داستۇرلەرى زاماناۋي تەحنولوگيالارمەن جانە سوڭعى عىلىمي-تەحنيكالىق جەتىستىكتەرمەن قوسىلدى.
حوككەي ماڭىزدى سپورت تۇرلەرىنىڭ ءبىرى ءارى قازاقستاندىق جانكۇيەرلەردىڭ ويىنعا دەگەن قىزىعۋشىلىعى ماۋسىم سايىن جوعارىلاي تۇسۋدە.
ايتا كەتەيىك، «بارىس» حوككەي كلۋبى - ليگا قۇرىلعان ساتتەن باستاپ ك ح ل وزگەرمەيتىن قاتىسۋشىسى، ونىڭ قۇرامىنا كوپتەگەن مىقتى سپورتشىلار كىرەدى. قازىرگى ماۋسىمدا قازاقستاندىق كلۋب - ك ح ل شىعىس كونفەرەنتسياسى كوشباسشىلارى قاتارىندا.