گرەك جاڭعاعى گرەكتەردىكى مە؟

 استانا. قازاقپارات - كۇندەلىكتى جەپ جۇرگەن گرەك جاڭعاعىن ءبىز بۇلاي اتاعانىمىزبەن، ول تەك گرەكتەرگە تيەسىلى ەمەس ەكەنىن بىلەسىز بە؟

 ونىڭ نەگىزگى وتانى مالاي جانە ورتا ازيا، ال نە ءۇشىن گرەك جاڭعاعى دەپ اتالىپ كەتكەنىن ەشكىم بىلمەيدى. جاڭعاقتىڭ تاعى دا «ميعا مەرەكە» ، «اقىل ازىعى» دەگەن سەكىلدى اتاۋلارى بار. ونىڭ سىرتقى ءپىشىنىڭ ءوزى ادام ميىن ەسكە تۇسىرەدى. ادامدار اعاشتا وسكەن جاڭعاقتى جيناپ العانىنا كوپ ۋاقىت بولا قويعان جوق. سوعان وراي، گرەك جاڭعاعى تۋرالى قىزىقتى دەرەكتەر ۇسىنامىز.

كاۆكاز ەلىندە گرەك جاڭعاعى قاسيەتتى اعاش سانالادى. ول جەردەن 4 عاسىرلىق تاريحى بار اعاشتاردى كەزدەستىرۋگە بولادى. جاڭعاقتىڭ 400 گرامى بۇكىل كۇنى بويعى جەيتىن تاعامنان الاتىن قۋاتتى بەرە الادى. وسى ءتورت ءجۇز- اق گرام جاڭعاقتىڭ قۇرامىندا اعزاعا قاجەتتى بارلىق ەلەمەنتتەر مەن دارۋمەندەر بار. الايدا، وسىلاي ەكەن دەپ، ءبىر كۇندە 400 گرامىن ءبىر- اق جەپ الۋعا بولمايدى. ديەتولوگ ماماندار گرەك جاڭعاعىن كۇنىنە 100 گرامنان ارتىق جەمەۋگە كەڭەس بەرەدى. ەگەر بۇل ەرەجەنى ساقتاماعان جاعدايدا، اۋىزدا بورتپە پايدا بولىپ، قان تامىرلارى تىم تارىلىپ، باس اۋىراتىنىن ايتادى.

گرەك جاڭعاعىنىڭ كۇيدىرىلگەن قاۋىزىنان جوعارى ساپالى بەلسەندىرىلگەن كومىر جاسايدى. قۇرامىندا ماگني كوپ بولۋىنا بايلانىستى، ۇيقىنى جەڭىلدەتىپ، جايلىلىق سىيلايدى. ال ەكى- ءۇش جاڭعاققا بال قوسىپ جەسەڭىز، ميداعى قان تامىرلارىن تارىلتادى. گرەك جاڭعاعىن قان قىسىمىن تومەندەتۋگە پايدالانادى. ءسۇت پەن ەت قۇرامىندا اقۋىز قانشالىقتى كوپ بولسا، بۇل جونىندە گرەك جاڭعاعى دا ولارمەن تەڭ تۇسەدى. تەك جاڭعاق قۇرامىندا ليزين بولۋىنا بايلانىستى جەڭىل سىڭىرىلەدى.

جاڭعاقتى ۇزاق ۋاقىت تولىقتاي شايناپ بارىپ جۇتقاندا عانا قۇرامىنداعى بارلىق پايدالى زاتتى اعزاعا سىڭىرۋگە بولادى. ورتا ازيا تۇرعىندارى گرەك جاڭعاعى وسەتىن اعاش ەشقاشان گۇلدەمەيتىنىنە سەنىمدى. ءتىپتى وعان ارناپ ماتەل دە شىعارعان: «گرەك جاڭعاعىنىڭ گۇلدەگەنىن كورگەن جان ولەدى» .

ەش زاقىم كورمەگەن ساۋ اعاش جىلىنا 300 كەلىدەن استام تازا جاڭعاق بەرەدى. تاعامدىق قۇندىلىعى جونىنەن الار بولساق، 100 گرامم گرەك جاڭعاعى 300 گرامم بيداي نانىنا نە 700 گرامم كارتوپقا، نە ءبىر ليتر سيىر سۇتىنەن كەم تۇسپەيدى.

 

Massaget.kz