اسقار مامين باكۋدە ازەربايجان پرەزيدەنتىمەن كەزدەستى
ق ر پرەمەر- ءمينيسترىنىڭ باسپا ءسوز قىزمەتى حابارلاۋىنشا، ا. مامين ازەربايجان باسشىسىنا ق ر پرەزيدەنتى نۇرسۇلتان نازاربايەۆتىڭ سالەمى مەن ىستىق ىقىلاسىن جەتكىزىپ، بيىل ساۋىردە قازاقستان- ازەربايجان قارىم- قاتىناسىنىڭ ارى قاراي دامۋىنا سەرپىن بەرگەن باكۋگە جاساعان رەسمي ساپارىنىڭ ماڭىزىن اتاپ ءوتتى. كەزدەسۋ بارىسىندا ساۋدا- ەكونوميكالىق قارىم- قاتىناستىڭ بارلىق سپەكترى بويىنشا ىنتىماقتاستىڭ دامۋ بولاشاعى تالقىلاندى.
«ازەربايجان - كاۆكاز وڭىرىندەگى قازاقستاننىڭ ءىرى ستراتەگيالىق سەرىكتەسى سانالادى»، - دەدى ا. مامين. كەزدەسۋ كەزىندە ق ر پرەمەر- ءمينيسترىنىڭ ءبىرىنشى ورىنباسارى حابارلاعانداي، قازاقستان- ازەربايجان ۇكىمەتارالىق كوميسسياسى 2017-2020 -جىلدارعا ارنالعان ق ر مەن ءار اراسىنداعى ساۋدا- ەكونوميكالىق ىنتىماقتاستىقتى كەڭەيتۋ بويىنشا جول كارتاسىن دايىندادى. ي. اليەۆ ترانسكاسپي حالىقارالىق كولىك قاتىناسىنىڭ الەۋەتىن ۇلعايتۋ جانە باكۋ- تبيليسي- كارس جولىن پايدالانۋعا بەرۋدەگى قازاقستاننىڭ ماڭىزدى ءرولىن اتاپ ءوتتى.
«زاماناۋي لوگيستيكالىق ينفراقۇرىلىمنىڭ ساۋدا اعىندارىن قامتاماسىز ەتۋ جانە جەتكىزۋ جىلدامدىعى مەن باعا بويىنشا ساپالى قىزمەت كورسەتۋ - ترانزيتتىك دالىزگە قاتىسۋشى ەلدەردىڭ جاڭا نارىقتى يگەرۋىنە جانە جۇك اعىندارىن تارتۋىنا مۇمكىندىك بەرەدى»، - دەپ اتاپ ءوتتى ا. مامين.
تاراپتار اقتاۋ، قۇرىق جانە اليات ساۋدا پورتتارىنىڭ قىزمەتىن سينحرونداۋ قاجەتتىگىن اتاپ ءوتتى. كەزدەسۋدە تاراپتار ساۋدا اينالىمىن ارتتىرۋ، سونداي- اق ازەربايجانعا جىلىنا 1 ميلليون توننا قازاقستاندىق استىقتى جەتكىزۋ بويىنشا شارالار قابىلداۋعا كەلىستى.