داۋرەن ابايەۆ:«حابار» ارناسىندا جارناما بولمايدى

 الماتى. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ «مەدياقۇرىلتاي-2017» كاسىبي تالقىلاۋ الاڭىندا مەملەكەتتىك ارنادا كەزەڭ- كەزەڭىمەن جارناما جويىلاتىنىن ايتتى، دەپ حابارلايدى قازاقپارات ءتىلشىسى.

جيىن بارىسىندا مەملەكەتتىك ارنالارداعى جارنامانىڭ قاجەتتىلىگى تۋرالى تالقىلاندى. داۋرەن ابايەۆ بۇل ماسەلەنىڭ وتكەن مەدياقۇرىلتايدان بەرى جالعاسىپ كەلە جاتقانىن ايتتى. «وتكەن جىلى ماعان وسىنداي ساۋال قويىلعان. مەملەكەتتىك ارنالاردا نەگە جارناما بەرىلەدى دەگەن. بۇل ايتىلعان ماسەلەنى تالداۋدان وتكىزە كەلە مىنانى مالىمدەگىم كەلەدى. 2018 -جىلدىڭ 1 قاڭتارىنان «حابار» ارناسى جارنامادان باس تارتادى. جىلدىڭ سوڭىنا دەيىن قالاي بولاتىنىن باقىلايمىز. كەلەر جىلدىڭ سوڭىندا ناتيجەنى تالداۋدان وتكىزىپ، ودان ءارى شەشىم قابىلدايتىن بولامىز» ، - دەدى داۋرەن ابايەۆ.

 

 اۆتور: گۇلميرا عوسمانالي