07:07, 16 - قاراشا 2017 | GMT +6
كاسىپقوي بوكس: يۆان دىچكونىڭ كەزدەسۋى قازاقستاندا ءوتۋى مۇمكىن
استانا. قازاقپارات - يۆان دىچكونىڭ مەنەدجەرى زيا اليەۆ قازاقستاندا كاسىپقوي بوكس كەشى ءوتۋى مۇمكىن ەكەندىگىن حابارلادى، دەپ جازادى Sports.kz.
«ءبىز قازاقستاندا بوكس كەشىن وتكىزگىمىز كەلەدى، ونداي جوسپارىمىز بار. ارينە، ونى جاقىن ۋاقىتتا جاسامايمىز، ءبىراق بولاشاقتا ونداي شارا ۇيىمداستىرۋعا بولادى. ءبىز يۆاننىڭ ءوز جەرىندە باسقا ءبىر بوكسشىنىڭ كەزدەسۋىنىڭ اندەركارتىندا ونەر كورسەتكەنىن قالامايمىز. سوندىقتان ول كەشتىڭ باس كەزدەسۋى يۆان دىچكونىڭ جەكپە-جەگى بولۋى ءتيىس. ازىرشە قاي جەكپە-جەگىن وتكىزەتىنىمىزدى ايتا المايمىن»، - دەيدى ز. اليەۆ.
ەسكە سالا كەتەيىك، دىچكو كاسىپقوي بوكستا ەكى كەزدەسۋىن وتكىزىپ ۇلگەردى. ەكەۋىندە دە ول جەڭىسكە ۋاقىتىنان بۇرىن جەتتى.