الەۋمەتتىك جەلىدە الاياقتىقتىڭ تاعى ءبىر ءتۇرى پايدا بولدى

 استانا. قازاقپارات - قىلمىسكەرلەر بانكتەردىڭ الەۋمەتتىك جەلىدەگى توپتارىنا مونيتورينگ جاساپ، ءوز قۇرباندارىن تاۋىپ وتىرعان.

  بۇل تۋرالى life.ru جازدى، دەپ حابارلايدى Baq.kz اقپارات اگەنتتىگى.

Group-IB حالىقارالىق كومپانياسى بانككە قاتىستى الاياقتىقتىڭ جاڭا ءتۇرىن انىقتادى. الاياقتىقتىڭ بۇل ءتۇرى بانكتەردىڭ الەۋمەتتىك جەلىدەگى رەسمي پاراقشالارىندا بەلسەندى دەپ تانىلعان.

حاكەرلەر كليەنتتەردىڭ الەۋمەتتىك جەلىدە جازعان سۇراقتارىن (كوممەنتارييلەرىنە) تالداپ، كەيىن ولارعا بانك قىزمەتكەرى رەتىندە حابارلاسقان.

كيبەر قىلمىسكەرلەردىڭ ماقساتى - قۇرباندارىنىڭ كارتاسىنداعى اقشاسىنا قول جەتكىزۋ. اتاپ ايتقاندا، ولار ادامداردىڭ سەنىمىنە كىرىپ، اقشا اۋدارۋدى راستايتىن SMS كود، ءنومىر نەمەسە كارتانىڭ ۆەريفيكاتسيالىق كودىن (CCV) ءبىلىپ العان.

ولار كوبىنەسە «ۆكونتاكتەدەگى» توبىنان كوپ ادامدى قۇرىعىنا تۇسىرگەن. ساراپشىلار مۇنداي سحەمامەن «فەيسبۋكتە» دە جۇمىس ىستەۋى مۇمكىن دەپ وتىر.

ايتا كەتەيىك، Group-IB حالىقارالىق كومپانياسى كيبەرشابۋىل جانە حاكەرلەرمەن بايلانىستى قىلمىستاردى توقتاتۋ جانە تەرگەۋمەن اينالىسادى.