اۋا رايى
Астана -2 °С
Алматы 4 °С
ۆاليۋتا باعامى
USD 330.29
EUR 387.27
RUB 5.56
CNY 49.80

زاڭ جوباسى: قىلمىس راستالماسا ءىستى باسقا فاكتىمەن قازبالاۋعا جول بەرىلمەيدى

زاڭ جوباسى: قىلمىس راستالماسا ءىستى باسقا فاكتىمەن قازبالاۋعا جول بەرىلمەيدى
15 قاراشا 13:58 47

استانا. قازاقپارات - ەلباسىنىڭ ەسكەرتۋىنە وراي، قاي فاكتىمەن ءىس قوزعالسا، تەرگەۋ تەك سول باعىتتا جۇرەتىن بولادى.

بۇل تۋرالى پارلامەنت ءماجىلىسىنىڭ جالپى وتىرىسىندا ق ر باس پروكۋرورى جاقىپ اسانوۆ ايتتى، دەپ حابارلايدى قازاقپارات.

«وسى سەسسيا اشىلعاندا ەلباسى ءبىزدى قاتتى سىنادى. سوندا بىزگە: «ءبىر فاكتى بويىنشا ءىستى باستايسىڭدار، كەيىن دالەل تاپپايسىڭدار، سوسىن باسقا جاعىن قازبالاي بەرەسىڭدەر» دەپ ايتقان ەدى. ول راسىندا دا سولاي. سوندىقتان زاڭ جوباسى بويىنشا بۇل تاجىريبە مۇلدەم توقتاتىلادى. ەندى قاي فاكتىمەن ءىس قوزعالسا، تەك سونىڭ اياسىندا تەرگەۋ جۇرگىزىلەدى. بۇل ادام قۇقىعىن كۇشەيتۋگە قاتىستى بولىپ وتىر»، - دەدى باس پروكۋرور قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋعا باعىتتالعان زاڭ جوباسى بويىنشا بايانداماسىندا.

تالقىلاۋدان كەيىن پالاتا دەپۋتاتتارى زاڭ جوباسىن ءبىرىنشى وقىلىمدا ماقۇلدادى.

ەستەرىڭىزگە سالا كەتەيىك، بيىل قازان ايىندا مەملەكەت باسشىسى كونستيتۋتسيانىڭ 61-بابىنىڭ 1-تارماعىنا سايكەس پارلامەنت ءماجىلىسىنىڭ قاراۋىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەنگىزدى.

اۆتور: رۋسلان عابباسوۆ

باستى سوزدەر: بيلئك جانة ساياسات,
Нашли ошибку? Выделите её и нажмите CTRL+ENTER

پئكئر قالدئرؤ