13:29, 15 - قاراشا 2017 | GMT +6
بارىمتاشىلار قىرعىزستاننان ءبىر ءۇيىر جىلقى ايداپ وتپەك بولدى
استانا. قازاقپارات - قازاق-قىرعىز شەكاراسىندا 18 باس جىلقى ۇستالدى.
ال ولاردى ايداپ وتپەك بولعاندار ىزدەرىن سۋىتتى، دەپ حابارلايدى قازاقپارات.
ق ر ۇ ق ك شەكارا قىزمەتىنەن ءمالىم ەتكەندەي، مالدى سالت اتتى ءۇش ادام ايداپ وتپەك بولعان.
«تاراز شەكارا جاساعىنىڭ «جاس وركەن» شەكارا بەكەتىندە 18 باس جىلقى ۇستالدى. مالدار قىرعىزستاننان قازاقستانعا ايدالىپ وتپەك بولعان. شەكارا جاساعى جىلقىلاردى ۇستاي باستاعاندا بارىمتاشىلار ىرگەلەس ەلدىڭ اۋماعىنا بوي تاسالاپ ۇلگەردى»، - دەلىنگەن حابارلامادا.
اتالمىش فاكتى تۋرالى تالاس وبلىسىنىڭ قۇقىق قورعاۋ ورگاندارى حاباردار ەتىلدى. مال شارۋا قوجالىعىنا ساقتاۋعا بەرىلدى.