وليمپيادا ويىندارىن قاي ەل كوپ وتكىزدى؟

None
None
استانا. قازاقپارات - وڭتۇستىك كورەيانىڭ پحەنچحان قالاسىندا وتەتىن XXIII قىسقى وليمپيادا ويىندارىنىڭ باستالۋىنا 85 كۇن قالدى، دەپ حابارلايدى قازاقپارات.

وليمپيادا ويىندارىن وتكىزۋ كەز-كەلگەن مەملەكەتتىڭ قولىنان كەلە بەرمەيتىن اسا جاۋاپتى الەمدىك دودا.

سول ءۇشىن ەكونوميكالىق قۋاتى تومەن، ەندى وركەندەپ كەلە جاتقان ەلدەر وليمپيادا ويىندارىن وتكىزۋگە قاۋقارسىز سانالادى. ءالى كۇنگە وليمپيادا ويىندارى تۇگىلى جەكەلەگەن سپورت تۇرلەرىنەن الەم بىرىنشىلىگىن وتكىزىپ كورمەگەن ەلدەر دە جەتەرلىك.

ءبىراق قازاقستان ت م د ەلدەرى اراسىندا تۇڭعىش بولىپ، قىسقى ازيا مەن دۇنيەجۇزىلىك ۋنيۆەرسيادا ويىندارىن وتكىزىپ ۇلگەردى. ال جەكەلەگەن سپورت تۇرلەرىنەن جىلىنا ءبىر ەمەس، بىرنەشە رەت الەم بىرىنشىلىكتەرى ەلىمىزدىڭ ءار وڭىرىندە ءوتىپ جاتادى. قازاق ەلى ءۇشىن وليمپيادا ويىندارىن وتكىزۋ عانا قالدى دەسەك ارتىق ايتقاندىق ەمەس.

ەندى، وليمپيادا ويىندارىن ەڭ كوپ وتكىزگەن ەلدەرگە قىسقاشا توقتالا كەتەيىك. قازىرگە دەيىن ەڭ كوپ وليمپيادا ويىندارىن وتكىزگەن ەل - ا ق ش - 8 رەت (4 رەت جازعى جانە 4 رەت قىسقى). فرانسيا 5 رەت (2/3)،  ۇلى بريتانيا 3 رەت (3/0)، گەرمانيا 3 رەت (2/1)، جاپونيا، يتاليا، كانادا 3 رەت (1/2).

اۆستراليا جازعى ويىنداردى ەكى رەت، ال اۆستريا، شۆەيتساريا جانە نورۆەگيا قىسقى ويىندارىن، شۆەتسيا، بەلگيا، نيدەرلاند، فينليانديا، ك س ر و، مەكسيكا، وڭتۇستىك كورەيا، يسپانيا جانە قىتاي ءبىر رەت جازعى ويىنداردى قابىلدادى.

يۋگوسلاۆيا (بوسنيا جانە گەرتسەگوۆينا) ءبىر رەت قىسقى ويىنداردى قابىلداعان. بارلىعى - 21 ەل. جازعى ويىندار 19 ەلدە، ال قىسقى 11 ەلدە بولدى. وليمپيادا ويىندارىن وسىعان دەيىن 42 قالا (جازعى 23، قىسقى 19) وتكىزگەن.

قالالار اراسىندا وليمپيادا ويىندارىن ەڭ كوپ قابىلداعان قالا - لوندون - 3 رەت. لوس- انجەلەستە، پاريجدە، افينادا جازعى ويىندار ەكى رەتتەن وتكىزىلگەن. ال سانكت-موريتس، ينسبرۋك، لەيك-پلەسيد قالالارىندا قىسقى ويىندار ەكى رەت ءوتتى.

اۆتور: كۇنسۇلتان وتارباي

سوڭعى جاڭالىقتار