سينوپتيكتەر قازاقستاندا بيىلعى قىستىڭ قالاي بولاتىنىن بولجادى

استانا. قازاقپارات - سينوپتيكتەر بيىل قازاقستاندا قىس ەرتە تۇسەدى جانە قارلى بولادى دەپ بولجادى. بۇل تۋرالى قازاقپارات «قازگيدرومەت» ر م ك- گە سىلتەمە جاساپ حابارلايدى.

قاراشا جاۋىن- شاشىندى جانە جەلدى، تاڭعى جانە تۇنگى ساعاتتاردا تۇمان باسىپ، مۇز قۇبىلىستارى كۇتىلەدى.

ايدىڭ ەكىنشى جارتىسىندا ەلدىڭ سولتۇستىگى، شىعىسى جانە ورتالىعىندا جەل كۇشەيىپ، بوران سوعىپ، قار كۇتىلەدى.

اي بويى سۋىتۋدىڭ ءۇش تولقىنى - ايدىڭ ءبىرىنشى، ەكىنشى جانە ءۇشىنشى ونكۇندىكتەرىندە كۇتىلەدى، ءارقايسىسى الدىنداعىدان قارقىندىراق بولادى. «قازگيدرومەت» ر م ك ديرەكتورى مارينا شميدتتىڭ ايتۋىنشا، قاراشانىڭ سوڭىندا ءبىرشاما اياز كۇتىلەدى.

«قاراشا ايىنىڭ سوڭىندا- اق قازاقستاننىڭ سولتۇستىك جارتىسىندا تۇندە اۋا تەمپەراتۋراسى تۇندە 30 س دەيىن، كۇندىز 15 س دەيىن اياز كۇتىلەدى. وڭتۇستىك جارتىسىندا تۇندە مينۋس 15 س دەيىن، كۇندىز 5 س دەيىن اياز كۇتىلەدى»، - دەدى ول.

تۇراقتى قار جامىلعىسىنىڭ قالىپتاسۋى: قازاقستاننىڭ سولتۇستىگىندە، شىعىسى مەن ورتالىعىندا - قاراشانىڭ ورتاسىندا؛ قازاقستاننىڭ وڭتۇستىگى مەن باتىسىندا - جەلتوقساننىڭ ەكىنشى جارتىسىندا كۇتىلەدى. سينوپتيكتەردىڭ ۇزاق مەرزىمدى بولجامىنا سايكەس جەلتوقساندا اركتيكالىق تەڭىز اۋداندارىنان سۋىق اۋا ماسساسىنىڭ ءجيى ەنۋىنەن رەسپۋبليكانىڭ شىعىس جارتىسىندا سۋىق جانە قارلى، ال باتىس جارتىسىندا جىلى اۋا ماسساسىنىڭ شىعۋىنان - جىلى (نورمادان 1°س جوعارى) جانە از قارلى اۋا- رايى كۇتىلۋدە. 2018 -جىلعى قاڭتار ازيالىق انتيتسيكلونىنىڭ ىقپالىنان، از قارلى جانە سۋىق بولادى. ەلدىڭ كوپ بولىگىندە تەمپەراتۋرالىق فون كوپ جىلدىق ورتاشا ماننەن 1-2°س تومەن بولادى دەپ بولجانادى.

 تەك ءبىزدىڭ رەسپۋبليكانىڭ باتىس جانە شەتكى وڭتۇستىك ايماقتارىندا تەمپەراتۋرالىق فون نورماعا جۋىق بولادى دەپ كۇتىلۋدە. اي ىشىندەگى جاۋىن- شاشىن مولشەرى باتىستا، وڭتۇستىكتىڭ، وڭتۇستىك- شىعىس پەن شىعىستىڭ تاۋلى جانە تاۋ بوكتەرى اۋداندارىندا نورماعا جۋىق كۇتىلەدى. اقپاندا مول قار جاۋىپ، قاتتى جەل مەن بوران كۇتىلۋدە. وسى رەتتە ءبىزدىڭ رەسپۋبليكانىڭ سولتۇستىك- باتىس جارتىسىندا ۋلتراپوليارلىق سۋىق اۋا ماسسالارىنىڭ ەنۋىمەن ءبىرقالىپتى ايازدى، اۋا تەمپەراتۋراسى كليماتتىق نورمادان 1-2°س تومەن اۋا- رايى كۇتىلۋدە، ال ەلىمىزدىڭ وڭتۇستىك- شىعىس جارتىسىندا وڭتۇستىك تسيكلونداردىڭ ءجيى شىعۋىمەن تەمپەراتۋرالىق فون كليماتتىق نورماعا جۋىق بولادى دەپ كۇتىلۋدە.

كۇنتىزبەلىك كوكتەمنىڭ باستالۋى قۇبىلمالى بولادى: ناعىز قىسقى ءجيى جاۋىن- شاشىندى، قاتتى جەلدى كۇندەر كوكتەمگى جىلى جانە اشىق كۇندەرمەن الماسىپ تۇراتىن بولادى اۋانىڭ ورتاشا تەمپەراتۋراسى ناۋرىزدا نورمادان 1°س جوعارى وڭتۇستىك- باتىستا جانە ەلدىڭ وڭتۇستىگىندە، قالعان اۋماقتا - كليماتتىق مانگە جۋىق بولادى دەپ كۇتىلەدى. جاۋىن- شاشىن مولشەرى باتىستا، سولتۇستىكتە، شىعىس پەن وڭتۇستىك- شىعىستىڭ تاۋلى جانە تاۋ بوكتەرى اۋداندارىندا نورمادان جوعارى، قالعان اۋماقتا - نورماعا جۋىق بولادى دەپ بولجانادى.