كاسپيگە باتقان كەمەلەردەن تەڭىزدەگى سۋ كولىكتەرى قوزعالىسىنا قاۋىپ ءتوندى

None
None
استانا. قازاقپارات - كاسپييگە باتىپ كەتكەن ونداعان كەمە تەڭىزدەگى كەمەلەردىڭ جۇرۋىنە قاۋىپ ءتوندىرىپ تۇر. 40 جىلدان بەرى سۋ استىندا جاتقان سوڭ بۇل ەكولوگياعا دا زيان.

 براكونەرلەردى قۋىپ جۇرگەن شەكاراشىلار بىرنەشە رەت سۋ استىنداعى كەمەلەرگە سوعىلىپ، اپاتقا ۇشىراي جازداپتى.

 گۇلميرا ابىشيەۆا، ءتىلشى:

- كەڭەس وداعى ىدىراعاننان كەيىن جارامسىز كەمەلەردى جويۋمەن اينالىساتىن فيرمالار بانكروتقا ۇشىرايدى. سودان بەرى 60 قا جۋىق ءىرىلى- ۇساقتى سۋ كولىكتەرى كاسپي تەڭىزىندە ءشىرىپ جاتىر. ونىڭ ءبىرازى سۋ استىنا كەتكەن. ەندى ءبىرى مىناداي بولىپ جارتىلاي سۋعا باتىپ جاتىر. ولاردىڭ قورشاعان ورتاعا زيانى قانداي؟ اۋانى قانشالىقتى لاستاپ جاتىر؟ جالپى بۇگىنگى جاعدايى قانداي؟ ونىمەن ناقتى اينالىسىپ جاتقان ەشكىم جوق.

ەسكى كەمەلەردىڭ ءبىرازى ءتۇپقاراعان بۇعازىندا، ەندى ءبىر بولىگى جاعالاۋدان 60 شاقىرىم قاشىقتىقتا سۋ استىندا جاتىر. بالىقشىلار بۇل جەردى «كەمەلەر مولاسى» دەپ اتاپ كەتكەن. مۇنداعى سۋ كولىكتەرى اسىرەس شەكاراشىلاردىڭ قىزمەتىنە كەدەرگى كەلتىرۋدە.

«جاعالاۋ كۇزەتىنىڭ» قىزمەتكەرلەرى براكونەرلەردى قۋىپ ءجۇرىپ، بىرنەشە رەت اپاتقا ۇشىراي جازداپتى. وسىدان ەكى جىل بۇرىن كەزەكتى رەيد كەزىندە شەكاراشىلار كاتەرى سۋ استىنداعى بارجاعا سوعىلىپ، سۋعا باتىپ كەتتى. شەكاراشىلار دەر كەزىندە قۇتقارىلىپ، امان قالعان.

 الىبەك قايىپوۆ، ق ر شەكارا قىزمەتى «جاعالاۋ كۇزەتى» وڭىرلىك باسقارماسىنىڭ باسشىسى:

 - وسى جاعدايدان سوڭ بۇل ماڭعا جاقىنداۋعا تىيىم سالىنعان. مۇنى براكونەرلەر ءبىلىپ العان. ولار بىردەن وسىندا قاشىپ، تىعىلادى. جاسىرىنىپ، اۋ سالۋعا ىڭعايلى بولعان سوڭ، بەكىرەنى دە وسىندا اۋلايدى. ءبىز مىندەتىمىزدى اتقارۋ ءۇشىن كوپ جاعدايدا باسىمىزدى قاتەرگە تىگىپ، قاۋىپتى ايماقتى شاپشاڭ كاتەرلەرمەن باسىپ وتۋىمىزگە تۋرا كەلەدى.

 ەسكى كەمەلەردى سۋ تۇبىنەن كوتەرىپ، جاعاعا شىعارۋ ءىسى ينۆەستيتسيالار جانە دامۋ مينيسترلىگىنە تاپسىرىلعان. جاۋاپتى سالا ماماندارى بۇل ايماققا تولىق زەرتتەۋ جۇمىستارىن جۇرگىزىپ، تەڭىزدە 36 كەمەنىڭ جاتقانىن انىقتاعان.

 نۇربول ەرمانوۆ، اقتاۋ جانە باۋتينو پورتتارىنىڭ تەڭىز اكىمشىلىگى باسشىسى:

- كەمەلەردىڭ باتقان ورىندارى انىقتالىپ، بۇل جۇمىستار ەندى 2019-2020 -جىلدارعا جوسپارلانىپ وتىر. مەملەكەتتەن قارجى ءبولىنىپ، وسىعان بايلانىستى بارلىق ءىس- شارالار 2019-2020 -جىلدارعا جوسپارلانۋدا.

كەمەلەردى سۋدان شىعارۋ جۇمىستارى اياقتالعانشا شەكاراشىلاردىڭ تاۋەكەلگە بارۋلارىنا تۋرا كەلەدى. قاۋىپتى ايماق زەرتتەلگەنىمەن، ول جەرلەر تەڭىزشىلەردىڭ كارتاسىنا تۇسىرىلمەگەن. سوندىقتان دا شەكاراشىلار قورعانىس مينيسترلىگىنە قاراستى ارنايى قىزمەتتەن كەمە جاتقان جەرلەردى بەلگىلەپ بەرۋىن سۇرايدى.

 «بۇل سۋ كولىكتەرىن تەڭىزدەن شىعارعانشا كەمە قاتىناسىنا تونگەن قاۋىپتىڭ الدىن الاتىن جالعىز امال»، - دەيدى تەڭىز ساقشىلارى.

www.24.kz

سوڭعى جاڭالىقتار