تۇركىستان كونە عاسىرلىق ساۋلەتتى قالاعا اينالادى
سونىڭ نەگىزىندە احمەت ياسساۋي كەسەنەسىنىڭ ماڭىنداعى جەرلەر مەملەكەت مەنشىگىنە قايتارىلماق. ول اۋماقتا ورتا عاسىرلىق ستيلدەگى ارحيتەكتۋرالىق قۇرىلىمدار پايدا بولۋى كەرەك. تۇرعىندار قالاسا، ۇيلەرىن شىعىس ۇلگىسىنە سايكەستەندىرىپ، تۋريستەرگە قىزمەت كورسەتەتىن ءتۇرلى ورتالىقتارعا اينالدىرا الادى. ياعني ءبىرى دۇكەن سالسا، ەكىنشىسى تاماقتاناتىن شايحانا اشۋىنا بولادى.
«كونە قالا» جوباسى بويىنشا كەسەنە ماڭىنا شىعىس ۇلگىسىندەگى مۇراجايلار مەن قوناقۇيلەر جانە شەبەرحانالار تۇرعىزىلماق. قازىرگى تاڭدا كونە قالا ماڭىنان اۋەجاي سالۋ ماسەلەسى دە قاراستىرىلىپ جاتىر. رۋحاني جاڭعىرۋ باعدارلاماسىنىڭ نەگىزىندە سايرام ورتا عاسىرلىق قالاعا اينالادى. تاريحي وتىرار قورعانى مەن ارىستان باب كەسەنەسىنىڭ اراسىنداعى ءبىر جارىم شاقىرىمدىق اۋماققا ۇلتتىق ناقىشتاعى اللەيا سالىنباق. ال شىمكەنتتەگى ەسكى قالاشىقتىڭ ساۋلەتى زامان تالابىنا ساي جاساقتالادى. وسىلايشا وڭتۇستىك ناعىز تۋريستىك وڭىرگە اينالماق.
ەركىن ءجۇسىپوۆ، وبلىستىق ساۋلەت جانە قالا قۇرىلىسى باسقارماسىنىڭ باسشىسى:
- بۇرىنعى قالانى ەلەستەتە ءبىلۋ ءبىرىنشى. ەكىنشى ول جەر شىعىس قالاسى بولعاندىقتان، ءوزىمىزدىڭ مادەنيەتىمىزدى كورسەتەتىن مۋزەيلەر بولادى. كوشەنىڭ بويىندا ورتا عاسىرلىق ءبىر ءۇي تۇراتىن بولسا، سونىڭ ىشىنە كىرگەن كەزدە بارلىق ينتەرەرلەر ورتا عاسىرلىق نارسەنى كورسەتەتىن بولادى. تەحنولوگياسى جاڭارادى سۋ، جارىق، توڭازىتقىش ءبارى ادامدارعا جاعىمدى بولادى. نەگىزگى نارسە بۇرىنعىنى قايتا قالىپقا كەلتىرىپ، سوعان تۋريزمدى تارتۋ.
www.24.kz