روبەرت مۋگابە مانداتىنان ايىرىلدى

استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى افريكاداعى ىزگى نيەت ەلشىسى رەتىندە تاعايىندالعان روبەرت مۋگابەنى دارەجەسىنەن ايىردى.

بۇل تۋرالى ۇيىمنىڭ باس ديرەكتورى ءوزىنىڭ Twitter الەۋمەتتىك پاراقشاسىندا جاريالادى. تەدروس ادانومنىڭ مۇنداي قادامعا بارۋىنا تاعايىنداۋدان كەيىنگى سىن پىكىرلەر اسەر ەتكەن.

ايتا كەتەيىك، 93 جاستاعى مۋگابە زيمبابۆەنى سوڭعى 30 جىل بويى باسقارىپ كەلەدى. ساياساتكەرلەردىڭ ايتۋىنشا وسى ارالىقتا ەلدەگى مەديتسينا سالاسى مۇلدە قۇلدىراعان. مۇندا دارىگەرلەردىڭ جالاقىسى وتە از جانە ءدارى- دارمەك ۇنەمى جەتىسپەيدى. ال حالىقتىڭ قامىن ويلاۋعا ءتيىستى پرەزيدەنتتىڭ ءوزى شەتەلدىك اۋرۋحانالاردا ەم الادى. سونىمەن قوسا سىناۋشىلار مۋگابەنى زيمبابۆەنىڭ ەكونوميكالىق قۇلدىراۋىنا كىنالى ساناپ، ادام قۇقىعىن ءجيى بۇزادى دەپ ايىپتادى.

www.24.kz