قازاق رومانستارىن ورىنداۋشىلار اراسىندا حالىقارالىق بايقاۋ ءوتتى - فوتو

شىمكەنت. قازاقپارات - شىمكەنتتە قازاق رومانستارىن ورىنداۋشىلار اراسىندا حالىقارالىق بايقاۋ ءوتتى.

بيىلعى جىلى بايقاۋعا وزبەكستان، قىرعىزستان مەملەكەتتەرى مەن ەلىمىزدىڭ بارلىق وبلىستارىنان 50 گە جۋىق ۇمىتكەر قاتىسىپ، ءوز ونەرلەرىن كورسەتتى، دەپ حابارلايدى قازاقپارات ءتىلشىسى.

وبلىستىق مادەنيەت باسقارماسى مەن ءوڭىردىڭ «يۋجنىي كازاحستان» قوعامدىق-ساياسي گازەتى جانە سلاۆيان ۇلتتىق مادەنيەت ورتالىعىنىڭ قولداۋىمەن وتكەن شارا بيىل 20-رەت ۇيىمداستىرىلدى.

بۇگىندە ورتالىق ازيا كولەمىندەگى ونەر سۇيەر جۇرتشىلىققا تانىمال رومانسيادا بايقاۋى قازاق رومانستارى مەن قازاق اكادەميالىق ۆوكالدىق مۋزىكاسىن ناسيحاتتاۋعا دا كەڭىنەن جول اشتى. بايقاۋعا رەسەي فەدەراتسياسىنىڭ ەڭبەك سىڭىرگەن ءارتىسى، ەڭبەك سىڭىرگەن ونەر قايراتكەرى گالينا پرەوبراجەنسكايا مەن ق ر ەڭبەك سىڭىرگەن ءارتىسى، پروفەسسور ابيلوۆ شاحيماردان قايدار ۇلى، حالىقارالىق بايقاۋلاردىڭ لاۋرەاتى بەرەكە ەنكەبايەۆا مەن وزبەكستان رەسپۋبليكاسىنىڭ حالىق ءارتىسى اۆاز رادجابوۆ سياقتى ونەر جۇلدىزدارى قازىلىق ەتتى.

سونىمەن قاتار، قۇرمەتتى قوناق رەتىندە «رومانسيادا» حالىقارالىق بايقاۋىنىڭ كونسەرتمەيستەرى وكسانا پەتريچەنكو، «رومانسيادا» حالىقارالىق بايقاۋىنىڭ مونعوليالىق لاۋرەاتى ەنحبات تۋۆشينجارگال جانە «قازاق رومانسياداسى-2016» حالىقارالىق بايقاۋىنىڭ گران-پري يەگەرى، ماسكەۋ قالاسىنداعى «رومانسيادا» حالىقارالىق بايقاۋىنىڭ لاۋرەاتى بەكزود داۆرونوۆ، حالىقارالىق بايقاۋلاردىڭ لاۋرەاتى، «رومانسيادا-2013» حالىقارالىق بايقاۋىنىڭ جەڭىمپازى ەميل ساكاۆوۆتار ارنايى شاقىرىلدى.

قورىتىندىسىمەن «قازاق رومانسياداسى-2017» XX بايقاۋىنىڭ باس جۇلدەسىن وڭتۇستىك قازاقستان وبلىستىق وپەرا جانە بالەت تەاترىنىڭ ءانشىسى بەكزات سادىكوۆ جەڭىپ الدى.

شىمكەنتتىكتەردىڭ بۇل جەڭىسى رومانس ورىنداۋشىلاردىڭ حالىقارالىق بايقاۋى تاريحىندا تۇڭعىش رەت بولدى.

اۆتور: اينۇر اقبايەۆا