اي بەتىندە عارىش بازاسىن سالۋعا قولايلى ۇڭگىر تابىلدى

None
None
استانا. قازاقپارات - ايدىڭ جوعارعى قاباتىندا عارىش بازاسىن سالۋعا قولايلى ۇڭگىر تابىلدى.

زەرتتەۋ ناتيجەلەرى 17- قازان كۇنى «Geophysical Research Letters» جۋرنالىندا جاريالاندى، دەپ حابارلايدى قازاقپارات «حوۆار» ۇلتتىق اقپارات اگەنتتىگىنە سىلتەمە جاساپ.

امەريكالىق جانە جاپوندىق عالىمدار «كاگۋيا» اپپاراتىنىڭ كومەگىمەن ايدىڭ جوعارعى قاباتىنا تەرەڭىرەك ءۇڭىلىپ، ميللياردتاعان جىلدار بۇرىن جانارتاۋلاردان اققان لاۆادان ايدىڭ ىشىندە پايدا بولعان قۋىس كەڭىستىكتەردى، ياعني لاۆا قۇبىر جولدارىن زەرتتەگەن.

لاۆا قۇبىر جولى بۋر تەڭىزى اۋماعىندا انىقتالدى. ول ۇڭگىرگە كىرەتىن جول بولىپ شىقتى. ول جوعارعى قاباتتان 75 مەتر تەرەڭدىكتە ورنالاسقان. ۇڭگىردىڭ بيىكتىگى -75 مەتر.

بۇل عىلىمي جاڭالىقتىڭ ماڭىزى ايدىڭ جوعارعى قاباتىنا قانداي دا ءبىر نىسانداردى سالۋ ارقىلى وزەكتى بولۋى مۇمكىن. سەبەبى مۇنداي ۇڭگىرلەر رادياتسيادان، مەتەوريتتەر مەن تەمپەراتۋرانىڭ كۇرت قۇبىلۋىنان قورعانۋعا بولاتىن قولايلى جەر.

ونىمەن قوسا، لاۆا قۇبىر جولدارىندا سۋ جانە كومىرقىشقىل مۇزى بولۋى مۇمكىن. ال ولاردان مەتان الۋعا بولادى. بۇل، راكەتالارعا ارنالعان وتىن مەن توتىقتىرعىش زاتتاردى ايدا، ياعني ادامعا قاۋىپسىز ايماقتا الۋعا بولادى دەگەندى بىلدىرەدى.

2017-جىلدىڭ ناۋرىز ايىندا Lunar and Planetary Science 48  كونفەرەنسياسىندا جاپوندىق ماماندار اي بەتىندە عارىش بازالارىن ورنالاستىرۋعا بولاتىن كوپتەگەن شاقىرىمدىق توننەلدەر بارىن مالىمدەگەن بولاتىن.

سوڭعى جاڭالىقتار