عالىمدار تىلدىك قوردىڭ عىلىمي لەكسيكامەن بايىتىلعانىن قولدايدى

استانا. قازاقپارات - «جاڭا گۋمانيتارلىق ءبىلىم. قازاق تىلىندەگى 100 وقۋلىق» جوباسى ءبىلىمدى شىڭداپ، ۇعىمدى نىقتاۋ ءۇشىن وڭدى وقۋلىق كەرەك. ال تەرميندەردى ءبىر ىزگە ءتۇسىرىپ، ورتاق شەشىم تابۋ ءۇشىن ءتىل تابىسىپ، بىرلەسە ىزدەنگەن ءجون.

 «رۋحاني جاڭعىرۋ» تاقىرىبىنا ارنالعان ساراپشىلار تالقىسى سەرياسى اياسىنداعى حالىقارالىق عىلىمي- پراكتيكالىق كونفەرەنسياداعى ورتاق تۇجىرىم وسىعان سايادى.

«جاڭا گۋمانيتارلىق ءبىلىم. قازاق تىلىندەگى 100 وقۋلىق» جوباسىنا قاتىستى پىكىر ايتۋشىلار دا وسى مازمۇندا وي قورىتتى. راس، 100 وقۋلىقتى اۋدارۋ ناتيجەسىندە عىلىمي كونتەنت قورى كوبەيىپ، قازاق ءتىلىنىڭ قورى عىلىمي لەكسيكامەن بايىتىلادى.

 ستۋدەنتتەر مەن وقىتۋشىلار مەملەكەتتىك تىلدەگى وقۋلىقتار تاپشىلىعىن ءجيى العا تارتىپ ءجۇر. 100 وقۋلىقتى اۋدارۋ وسى ولقىلىقتىڭ ورنىن تولتىرۋعا باعىتتالعان العاشقى قادام بولماق. الايدا اۋدارمانىڭ ساپاسى سىن كوتەرە مە؟ بۇل تۇرعىدا ماماندار قيىندىقتىڭ شاش ەتەكتەن ەكەنىن ايتادى.

 راۋان كەنجەحان ۇلى، ۇلتتىق اۋدارما بيۋروسىنىڭ اتقارۋشى ديرەكتورى:

- ارينە، ماسەلەلەر تۋىندايدى. ءبىر جاعىنان، عالىمداردىڭ ايتاتىنى عىلىمي دالدىك. عىلىمي اۋدارما دا بولۋى ءتيىس. ەكىنشى جاعىنان، كوركەمدىك ساپاسى. اعالارىمىز ايتىپ جاتىر، اۋدارما ءىسى ءتۇرلى ماسەلەلەرمەن قاتار جۇرەدى. سونىڭ ىشىندە عىلىمي لەكسيكانى قالاي الىپ كىرەمىز، تەرميندەردى قايتەمىز؟ سودان كەيىن ستيل ماسەلەسى قالاي بولادى؟ وسىنىڭ بارلىعىندا ءارتۇرلى ۇستانىم مەن كوزقاراستار بار.

www.24.kz