20:02, 20 - قازان 2017 | GMT +6
ق ر ءى ءى م باتىرحان شۇكەنوۆتىڭ جەكە كۋالىگىنىڭ ساتىلۋىنا قاتىستى پىكىر ءبىلدىردى
استانا. قازاقپارات - ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ينتەرنەتتە مارقۇم ءانشى باتىرحان شۇكەنوۆتىڭ جەكە كۋالىگىنىڭ ساتىلىمعا شىعارۋىنا بايلانىستى پىكىر ءبىلدىردى،
دەپ حابارلايدى قازاقپارات.
«زاڭناماعا سايكەس جارامسىز قۇجاتتار، جاڭاعا اۋىستىرىلعان جەكە باستى كۋالاندىراتىن كۋالىك مىندەتتى تۇردە الىنىپ، جويىلۋى ءتيىس. مالىمەتتەر بازاسىندا ب. شۇكەنوۆتىڭ قۇجاتى جويىلعاندىعى تۋرالى مالىمەت جوق. دەگەنمەن، ونىڭ قۇجاتى اۋىستىرىلعان ساتتە حالىقتى قۇجاتتاندىرۋ جانە تىركەۋ قىزمەتى ادىلەت ورگاندارىنىڭ قۇزىرەتىندە بولعان ەدى. اتالعان فاكتى ق ر قىلمىستىق كودەكسىنىڭ 371 «سالاقتىق» بابى بويىنشا جارامسىز قۇجاتتاردى جويۋ بولىگىندەگى ەرەجەلەردى ءبولۋ ماسەلەسى بويىنشا ادىلەت ورگاندارىنىڭ ءىس- ارەكەتىنە قۇقىقتىق باعا بەرۋ ءۇشىن تىركەلگەن. تەرگەۋگە جاتاتىن ماتەريال ق ر مەملەكەتتىك قىزمەت جانە جەمقورلىققا قارسى ءىس- قيمىل اگەنتتىگىنىڭ الماتى قالالىق دەپارتامەنتىنە جىبەرىلدى»، - دەدى الماس سادۋبايەۆ.
اۆتور: مارلان جيەمباي