عالىمدار اۆتوبۋستا ەگدە جاستاعى ادامدارعا ورىن بەرمەۋگە كەڭەس بەردى
ولار بۇل ەڭبەكتەرىندە قوعامدىق كولىكتەردە ەگدە جاستاعى ادامدارعا ورىن بەرمەۋگە كەڭەس بەرگەن، - دەپ حابارلايدى ريا نوۆوستي. British Medical Journal جۋرنالىندا جاريالانعان ماقالادا عالىمدار قارت ادامداردىڭ فيزيكالىق بەلسەندىلىگى مەن الەۋمەتتىك قامتاماسىز ەتىلۋىنىڭ بايلانىسى جايلى جازعان. حيرۋرگ- ورتوپەد سكارتەلتت ماكنەللي مەن ونىڭ ارىپتەستەرى قارتايۋدىڭ باستى سەبەبى فيزيكالىق بەلسەندىلىكتىڭ ازدىعى دەپ سانايدى. ۇنەمى جاتتىعۋ جاساۋ ارقىلى قارتايۋدىڭ الدىن الىپ، شيراق جۇرۋگە جول اشۋعا بولادى دەيدى.
- ءبىز قارتايعان شاقتا دەمالۋعا كەڭەس بەرمەي، بەلسەندىلىكتى ارتتىرۋىمىز قاجەت. اۆتوبۋستا نەمەسە پويىزدا كەتىپ بارا جاتقاندا قارت ادامعا ورىن بەرۋدەن بۇرىن جاقسىلاپ ويلانىپ الىڭىز. ولار ءۇشىن تۇرىپ تۇرۋ - جاقسى جاتتىعۋ، - دەيدى پروفەسسور مۋير گرەي.
- كوپتەگەن اۋرۋ ادامنىڭ جاسىنا ەمەس، بەلسەندىلىگىنىڭ ازايۋىنا بايلانىستى. كوبىرەك جاتتىقساق - سول ءتيىمدى ءىس بولادى، - دەيدى سكارتەلتت ماكنەللي. ونىڭ ايتۋىنشا، ستاتسيوناردا ەمدەلىپ جاتقان ادامداردىڭ ءوزى سەرۋەندەپ قايتۋعا نەمەسە دالىزدە جۇرۋگە ۋاقىت تابۋى كەرەك. سكارتەلتت ماكنەللي مەن ونىڭ ارىپتەستەرى قوعامنىڭ ەگدە جاستاعى ادامدارعا كوبىرەك بەلسەندى ءومىر ءسۇرۋى ءۇشىن مۇمكىندىك جاساۋى كەرەكتىگىن ايتادى. ءيا، عالىمداردىڭ جاساعان تۇجىرىمى دۇرىس- اق بولار. ءبىراق ۇلكەنىن سىيلاعان، قازىنالى قارياسىن قادىرلەگەن قازاق حالقى ءۇشىن بۇل ءبىر ابەس قىلىق ەكەنى جاسىرىن ەمەس. ال بۇل تۋرالى ءسىز نە دەيسىز؟
Massaget.kz