تەز ۇيىقتاۋ ءۇشىن
كەي ادامدار تۇندە ۇيىقتاي الماي، ارى- بەرى دوڭبەكشىپ ۇزاق جاتادى. بۇل دا ءوز الدىنا ءبىر دەرت سەكىلدى. ونداي جاعدايدا نە ىستەۋ قاجەت؟
بۇل قاراپايىم تەحنيكا 4-7-8 دەپ اتالادى. وزىڭىزگە ىڭعايلى باعىتتا جاتىڭىز. 4 سەكۋند بويى مۇرىنمەن دەمالىڭىز. دەمىڭىزدى 7 سەكۋند ۇستاپ تۇرىڭىز. اۋىزبەن 8 سەكۋند ارالىعىندا دەمالىڭىز. ءدال وسى جاتتىعۋدى ۇيىقتاپ كەتكەنشە قايتالاڭىز.
ءادىستىڭ ءتيىمدى جاقتارى گارۆارد ۋنيۆەرسيتەتىنىڭ دارىگەرى ەندريۋ ۆايل (Andrew Weil) دارىستەرىنىڭ بىرىندە وسى جاتتىعۋ تۋرالى جانە تەز ۇيىقتاپ كەتۋگە ارنالعان ەڭ ءتيىمدى تاسىلدەر جونىندە ايتتى. شىن مانىندە، بۇل رەسپيراتورلىق جۇيە تابيعي سەداتيۆتى بولىپ تابىلادى. وسىنداي تسيكلدىق ىرعاقتا تىنىس الۋ جۇيكە جۇيەسىن تىنىشتاندىرادى.
بۇل ەجەلگى ءادىستى ءۇندى يوگتارى ەڭ جايلى جاعدايعا جەتۋ ءۇشىن مەديتاتسيادا قولدانعان. ونى تەز ۇيىقتاپ كەتۋ ءۇشىن عانا ەمەس، سونىمەن قاتار تىنىشتاندىرۋ قاجەت بولعان كەزدە دە پايدالانعان. ەگەر 4-7-8 جۇيەسىندە تىنىستايتىن بولساڭىز، ۋاقىت وتە كەلە ءبارى وڭاي ءارى جەڭىلىرەك بولادى.