قازاقستاننىڭ ازاماتتىق زاڭى اعىلشىندىق قۇقىق قاعيداتتارى نەگىزىندە جەتىلدىرىلمەك
ايتا كەتەرلىگى، كونفەرەنسيانىڭ ماقساتى اعىلشىن جانە ەۋروپالىق قۇقىق قاعيداتتارى مەن ەرەجەلەرىن يمپلەمەنتاتسيالاۋ نەگىزىندە قازاقستان رەسپۋبليكاسىنىڭ جەكە قۇقىعىن جەتىلدىرۋ تۇجىرىمداماسىنىڭ قايتا پىسىقتالعان جوباسىنىڭ ەرەجەلەرىن، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اعىلشىن جانە ەۋروپالىق قۇقىق قاعيداتتارى مەن ەرەجەلەرىن يمپلەمەنتاتسيالاۋ نەگىزىندە شارتتىق مىندەتتەمەلەردى قۇقىقتىق رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى جوباسىنىڭ شارتتىق مىندەتتەمەلەردى جەتىلدىرۋ بولىگىندەگى جەكەلەگەن ەرەجەلەرىن تالقىلاۋ بولىپ سانالادى.
«جوبا تۇجىرىمداماسى ساراپشىلاردىڭ ۇسىنىستارى ەسكەرىلە وتىرىپ بىرنەشە مارتە پىسىقتالدى. اتالعان جۇمىستاردىڭ ناتيجەسىندە تۇجىرىمداما اتاۋى ناقتىلاندى. ەندىگى ۋاقىتتا ول اعىلشىن قۇقىعىنىڭ قاعيداتتارىمەن ۇلەسىمدى بىرىگۋىنىڭ ماڭىزدىلىعىن، قۇرلىقتىق قۇقىقتىق ءداستۇرلى زەردەلەنۋلەرىن پاش ەتەدى. بۇل جۇمىستار ءبىزدىڭ قۇقىقتىق جۇيەمىزگە بارىنشا الەمنىڭ دامىعان ەلدەرىنىڭ اراسىندا باسەكەلەگە قابىلەتتى بولۋعا مۇمكىندىك بەرەدى. جۇمىس قورىتىندىسىندا ۇلتتىق زاڭناماعا وزگەرتۋلەر مەن تولىقتىرۋلار ەنگىزىلەدى»، - دەدى حالىقارالىق شارانىڭ اشىلۋ راسىمىندە ءسوز سويلەگەن ق ر ادىلەت ءمينيسترىنىڭ ورىنباسارى نۇرلان ەشماعامبەتوۆ.
كونفەرەنسيا بارىسىندا ق ر ازاماتتىق زاڭناماسىنداعى دەلدالدىق، قازاقستان رەسپۋبليكاسىنىڭ ازاماتتىق زاڭناماسىندا ادالدىق جانە شارت بوستاندىعى قاعيداتتارىن ىسكە اسىرۋ، تاجىكستان رەسپۋبليكاسى زاڭناماسىنداعى شارت بوستاندىعى جانە ازاماتتىق- قۇقىقتىق نورمالار يمپەراتيۆتىلىگىنىڭ شەكتەرى، قازاقستان رەسپۋبليكاسىنىڭ زاڭناماسىنا كاسىپكەرلىكتىڭ دامۋىن قامتاماسىز ەتەتىن جاڭا ينستيتۋتتاردى ەنگىزۋ جانە باسقا دا تاقىرىپتارداعى نەگىزگى باياندامالار تىڭدالىپ، جان- جاقتى تالقىلانۋدا.
اۆتور: مارلان جيەمباي