استانادا بوس جۇمىس ورىندار جارمەڭكەسى وتكىزىلەدى

None
None
استانا. قازاقپارات - استانادا جاستارعا ارنالعان بوس جۇمىس ورىندار جارمەڭكەسى وتكىزىلەدى، دەپ حابارلايدى قازاقپارات قالالىق جاستار ساياساتى باسقارماسىنا سىلتەمە جاساپ.

ساتپايەۆ كوشەسىندەگى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى باس عيماراتىنىڭ اتريۋمىندا وتكىزىلەتىن شارا ساعات 10:00-دا باستالادى. ونىڭ اكىمدىكتىڭ «استانا جاستارى» جاستار رەسۋرستىق ورتالىعى ۇيىمداستىرادى.

 بوس جۇمىس ورىندار جارمەڭكەسىنە قالاداعى 40 تان استام جۇمىس بەرۋشىلەر قاتىسىپ، وزدەرىندە بار بوس جۇمىس ورىندارى تۋرالى ايتادى. جارمەڭكە جوو، ش و و تۇلەكتەرى جانە قالاداعى جاستار اراسىندا جۇمىسسىزدىقتى ازايتۋ جانە تاجىريبەلى جاستاردى ناقتى جۇمىسپەن قامتاماسىز ەتۋدى ماقسات تۇتادى.

 وسى تەكتەس ءىس- شارالارعا كەلۋ، تاجىريبەسى بار جۇمىس ىزدەۋشىلەرگە دە، قانداي دا ءبىر سەبەپتەرگە بايلانىستى ءوز جۇمىسىندا جەتىستىككە جەتە الماي، ءوز ورنىن ىزدەپ جۇرگەندەرگە، سونداي- اق جۇمىس ىزدەۋدە ءالى ىسىلماعان تۇلەكتەر مەن ستۋدەنتتەرگە دە وتە پايدالى، دەپ ءمالىم ەتتى باسقارماداعىلار.

سوڭعى جاڭالىقتار