استانانى گازبەن قامتاماسىز ەتەتىن ەكىنشى ستانسيا سالىنباق

None
None
استانا. قازاقپارات - تەلمان تابيعي سۇيىلتىلعان گازىمەن قايتا جابدىقتايتىن جاڭا ستانسيا مەن گاز قۇبىرلارىن تارتۋدى جوبالاۋ جۇمىستارى باستالدى.

بۇل قازاقستان رەسپۋبليكاسى مەن استانا اۋماعى ءۇشىن ەكىنشى ستانسيا، دەپ حابارلايدى استانا قالاسى اكىمدىگىنىڭ مەديا ورتالىعى «Global Gas Group» ج ش س- نە سىلتەمە جاساپ.

«Global Gas Group» سۇيىلتىلعان تابيعي گاز (س ت گ) تەحنولوگياسىنىڭ كومەگىمەن، Astana LNG 2020 جوباسىنىڭ جاڭا كەزەڭى باستالعانىن حابارلايدى.

«بۇل گازبەن جابدىقتاۋدىڭ «قۇبىرسىز» ءادىسى - ياعني ءداستۇرلى ماگيسترالعا بالاما بولىپ تابىلاتىن قالاعا «ۇلكەن قۇبىردىڭ» كەلۋىن دايىنداۋ جانە قالالىق گاز قۇبىرلارى جۇيەسىن جەدەل قالىپتاستىرۋعا مۇمكىندىك بەرەدى، دەلىنگەن سىلتەمەدە.

«جوبانىڭ ستراتەگيالىق ماقساتى - تابيعي سۇيىلتىلعان گاز تەحنولوگياسىنىڭ بازاسىندا گازبەن جابدىقتاۋدىڭ ينفرقۇرىلىمىن جاساۋ جانە تابيعي گاز تۇتىنۋشىلاردى ۇزدىكسىز قامتاماسىز ەتۋ. جەكەمەنشىك ءۇي شارۋاشىلىعى، كوممۋنالدىق-تۇرمىستىق كاسىپورىندار مەن باسقا دا تۇتىنۋشىلار جىلۋدىڭ شىعىنىن جانە ىستىق سۋ جابدىعى مەن تاماق دايىنداۋدىڭ شىعىنىن وتەي الادى»، - دەيدى Astana LNG 2020 جوباسىنىڭ نەگىزىن قالاعان ولەگ گونچاروۆ.

2017-جىلدىڭ قازان ايىنىڭ العاشقى جارتىسىندا تەلمان ستگ قايتا جابدىقتاۋدىڭ ەكىنشى ستانسياسىن جوبالاۋ باستالدى. ستانسيا استانانىڭ وڭ جاعالاۋىنان ن. نازاربايەۆ اۋەجايىنا دەيىن جالعاسادى. ونى پايدالانۋ 2018-جىلدىڭ اياعىنا جوسپارلانىپ وتىر. «تەلماندى گازبەن قايتا جابدىقتاۋ كەشەنى تۇران ءبىرىنشى ستانتسياسىنان وزگەشەلەۋ بولماق. وندا سۇيىلتىلعان تابيعي گاز قورىن تۇتىنۋشىلارعا 10 كۇنگە دەيىن ساقتاۋىنا مۇمكىندىك بەرەدى»، - دەيدى Global Gas Regazification ديرەكتورى پاناەت ساۋليدي.

تەلمان گاز كەشەنى تۇران ستانسياسىمەن ءتۇيىستىرىلىپ، گازبەن جابدىقتاۋ جۇيەسىن سەنىمدى ەتە تۇسپەك.

جوبادا ۇزاقتىعى 15 شاقىرىمدى قۇرايتىن گاز قۇبىرى قاراستىرىلعان. جاڭا ستانسيانىڭ قۋاتى - ساعاتىنا 15000 م3. بۇل كاسىپورىنداردى ۇزدىكسىز ەكولوگيالىق جانارمايمەن قامتۋعا، اتموسفەراعا جانعان قالدىق زاتتاردى توكپەۋدى ازايتادى.

گازبەن جابدىقتاۋ اۋماعىندا ورنالاسقان اۋەجاي، جەكەمەنشىك جانە ءىرى مەملەكەتتىك تۇتىنۋشىلار، ۆەلوترەك، «الاۋ»، «بارىس ارەنا» سپورت كەشەندەرى گازعا اۋىسۋدى كۇتىپ وتىر.

وسىلايشا تۇران مەن تەلمان كەشەندەرىنىڭ جۇمىسى جىلىنا بيۋدجەتتىڭ 5 ميللياردقا دەيىن اقشاسىن ۇنەمدەمەك.

ەسكە سالا كەتەيىك، 2017-جىلى اقپاندا تۇراندى گازبەن قايتا جابدىقتاۋ كەشەنىنىڭ استاناداعى ەڭ ءبىرىنشى گاز قۇبىرى جىبەرىلگەن بولاتىن. ونىڭ ەڭ العاشقى تۇتىنۋشىسى نازاربايەۆ ۋنيۆەرسيتەتى بولدى.

سوڭعى جاڭالىقتار