ايەلدەر ءۇشىن ەڭ قاۋىپتى قالا انىقتالدى

استانا. قازاقپارات - كاير ايەلدەر ءۇشىن ەڭ قاۋىپتى مەگاپوليس دەپ تانىلدى.

Thomson Reuters Foundation ۇيىمىنىڭ رەيتينگىندە 10 ميلليوننان استام تۇرعىنى بار مىسىر استاناسى نازىك جاندىلار ءۇشىن قاۋىپتى قالا رەتىندە كوش باستادى، دەپ حابارلايدى ت ا س س.

تىزىمگە الەمنىڭ 19 ءىرى قالاسى ەنگەن. ارنايى ماماندار وسى قالالارداعى ساراپشىلاردىڭ پىكىرىمەن ساناسىپ، زەرتتەۋ جۇرگىزگەن.

ولار قالالاردا ايەلدەر وزدەرىن قانشالىقتى قاۋىپسىز سەزىنەتىندىگىنە تالداۋ جاساعان. كاير ايەلدەرگە سەكسۋالدىق كۇش كورسەتۋ بويىنشا ءتىزىمنىڭ باسىنا شىقتى.

ويتكەنى مەرەكە كۇندەرى نەمەسە حالىق كوپ جينالعان جەرلەردە ايەلدەرگە قاتىستى كۇشتەۋ، زورلاۋ وقيعالارى ءجيى ورىن الادى.

وعان ءتىپتى ايەلدەردىڭ «يسلامدىق درەسس-كود» - جابىق كيىمدەر مەن باسىنا حيدجاب جامىلعىسى دا كومەكتەسە المايدى ەكەن.